არსებული ეკონომიკური კრიზისის ფონზე, როდესაც მკვეთრად არის შემცირებული ტურისტების რაოდენობა, ბევრი მცირე და საშუალო ზომის სასტუმრო დგას დატვირთვების პრობლემის წინაშე.

ვფიქრობთ, რომ ასეთ ვითარებაში სასტუმროებმა აქცენტი უნდა გააკეთონ კორპორატიულ სექტორზე. კორპორტიულ სექტორში კი იგულისხმება ის ორგანიზაციები, რომლებსაც ხშირად სტუმრობენ უცხოელი პარტნიორი კომპანიების თანამშრომლები.

ამისათვის სასტუმროებმა უნდა შეიმუშაონ პაკეტი, რომელიც ითვალისწინებს ამ კომპანიების სტუმრების სრულ მომსახურებას – თვითმფრინავის ტრაპიდან თვითმფრინავის ტრაპამდე. ამ მომსახურებაში შეიძლება შევიდეს:

– სატრანსპორტო მომსახურება ქვეყნის შიგნით – ტრანსფერი აეროპორტიდან და პირიქით, ტრანსპორტირება სასტუმროდან მასპინძელ კომპანიაში ან ნებისმიერ სხვა ადგილას;
– შემეცნებითი და კულტურული ღონისძიებები – სტუმრისათვის ქართული კულტურის გაცნობა, თბილისის და მისი შემოგარენის ღირსშესანიშნაობების დათვალიერება;
– სტუმრის სხვა, დამატებითი მოთხოვნების გათვალისწინება და მისი მომსახურება ქართული სტუმართმოყვარეობით.

ასეთი მომსახურება მიმზიდველი შეიძლება იყოს ორგანიზაციებისათვის იმის გამო, რომ აღარ მოუწევთ იმაზე ფიქრი თუ სად წაიყვანონ, რა დაათვალიერებინონ მათ სტუმრებს იმისათვის, რომ მაქსიმალურად კმაყოფილები გაუშვან.