ყველამ ვიცით როგორ მიეცა დავიწყებას საბჭოთა კავშირის დროს დანერგილი ერთიანი გათბობის სისტემები, როგორ მოიჭრა რადიატორები და როგორ დაიწყო ხალხმა ნელ-ნელა ინდივიდუალური სისტემების დაყენება. რა თქმა უნდა ეს ბუნებრივი პროცესი იყო, მაგრამ თუ ვინმე დაფიქრდება ამის შესახებ შესაძლოა აღმოჩნდეს, რომ ერთიანი სისტემა უფრო მეტად იაფი შეიძლება იყოს მომხმარებლებისათვის.
ვფიქრობთ, რომ დღეს ბაზარზე არსებობს საცხოვრებელ კორპუსებში არამარტო გათბობის, არამედ კონდიცირების ერთიანი სისტემების ქონაზე მნიშვნელოვანი, დაუკმაყოფილებელი მოთხოვნილება. ამისათვის აუცილებელია რომ კომპანია, რომელიც ამ მიმართულებით მუშაობს შეისწავლოს ძველ კორპუსებში რა დაჯდება ერთიანი კონდიცირებისა და გათბობის სისტემების დაყენება და როგორ შეიძლება გადანაწილდეს ეს დანახარჯები მოსახლეობაზე. შესაძლოა პირველადი ინვესტიციის ხარჯები შევიდეს ყოველთვიურ გადასახადში და ამგვარად გადაიხადონ კორპუსის მაცხოვრებლებმა.
თუ გავითვალისწინებთ რამდენი კორპუსია დღეს თბილისში ძნელი მისახვედრი არაა თუ რამხელა შესაძლებლობის გამოყენებაზე არის საუბარი. თუმცა კომპანია, რომელიც ამას მოკიდებს ხელს დანახარჯებთან ერთად აუცილებლად უნდა შეისწავლოს მომხმარებლების დამოკიდებულება და მზაობა ასეთი სისტემების ინსტალაციის მიმართ.
— საშუალო 3.67 ქულა
Loading ...
მიშა
on Sep 10th, 2009
@ 11:00:
ინდივიდუალური გათბობის და კონდიცირების სისტემები უფრო ეკონომიურია ვიდრე საერთო, რადგან საერთო სისტემებს აქვს თბო დანაკარგები ტრანსპორტირების პროცესში. სამწუხაროდ იდეალური თბო იზოლატორები არ არსებობს