მუდმივად ახალ-ახალი, საინტერესო ინიციატივებით გამოსვლა საუკეთესო გზაა, რათა სწრაფად გავხდეთ ბევრად უფრო ღირებული ჩვენი ხელმძღვანელებისათვის და მთლიანად ორგანიზაციისათვის. მუდმივ ინიციატივას, როგორი დასჯადიც არ უნდა გვეჩვენებოდეს ის ახლა, სინამდვილეში ყველაზე სწრაფად შეუძლია წარმატება მოგვიტანოს.
ინსაითები იწერება სინერჯი ჯგუფის კონსულტანტების მიერ მათ ყოველდღიურ საქმიანობაში აღმოჩენილ მიგნებებზე დაფუძნებით. განკუთვნილია მათთვის, ვისთვისაც მართვა საინტერესოა.
არ გავყიდოთ ის, რაც არ უნდა გავყიდოთ
ხშირად ყველაზე მეტად ორგანიზაციებს გაყიდვებზე უარის თქმა უჭირთ. უარის თქმა მომსახურების ან პროდუქტის მიყიდვაზე მომხმარებლისთვის, რომლებსაც ის არ სჭირდებათ ან რომელსაც ისინი სათანადოდ ვერ გამოიყენებენ.
რაც ძნელად მოდის
ბევრისგან გამიგია: რაც ძნელად მოდის ბევრად ტკბილია, ბევრად უფრო სასარგებლო, ბევრად უფრო მყარი და სტაბილურია. ის კი, რაც ადვილად და სწრაფად მოდის პირიქით, ბევრად უფრო მყიფეა, სუსტია და ადვილადვე იკარგება.
შეკრული გუნდი და სასურველი ფუნქცია
თუ თქვენს ორგანიზაციას თქვენთან ერთად შეკრული, ძლიერი გუნდი მართავს; თუ თქვენს კოლეგებთან ერთად მუშაობა ძალიან გსიამოვნებთ და ფიქრობთ, რომ გაგიმართლათ ასეთ ადამიანებთან ერთად რომ მოგიწიათ ყოფნა, მაშინ დაჯექით და მათთან ერთად გაიაზრეთ რისი კეთება გესიამოვნებოდათ ყველაზე უფრო მეტად, ფული რომ არ არსებობდეს დედამიწაზე საერთოდ.
ვისთან ერთად ვზივართ ნავში
თითქმის ნებისმიერი შიდა ორგანიზაციული კრიზისის გამომწვევი რეალური მიზეზების 99% (თუ სრულად 100% არა) ორგანიზაციის შიგნით არსებული პრობლემებიდან იღებს სათავეს. ამ პრობლემების უდიდესი ნაწილი კი მმართველი გუნდის შემადგენლობით და ამ გუნდის წევრების ერთმანეთთან დამოკიდებულებით არის განპირობებული.
სტრატეგიის განხორციელების სამი პირობა
იმისათვის, რომ სტრატეგია ცხოვრებაში განხორციელდეს სამი პირობაა საჭირო:
1. ის იმ ადამიანებმა უნდა შეიმუშავონ, ვის მხრებზეც მისმა განხორციელებამ უნდა გადაიაროს. სულ რომ ჩუმად იყვნენ და გადაწყვეტილებების მიღებაში მონაწილეობას არ იღებდნენ, ან მათი მონაწილეობა მთლად ღირებულიც არ იყოს (რაც ნაკლებად სავარაუდოა), მათი ყოფნა სტრატეგიის დამუშავებისას აუცილებელია.
- თარიღი: June 15, 2012
- კატეგორია: ზოგადი მენეჯმენტი, საერთო, სტრატეგია
- კომენტარები: 0
- წაკითხულია 2,509-ჯერ
კარგი მენეჯმენტის მარტივი ტესტი
როდესაც ხელმძღვანელს არ შეუძლია ერთ, ძალიან მოკლე წინადადებაში ჩაატიოს თუ რას საქმიანობს მისი ორგანიზაცია, ესე იგი მან საკუთარი ორგანიზაციის შესახებ ჯერ კიდევ ძალიან ბევრი რამე არ იცის. სრულად წაკითხვა »
მთავარი დამკვეთი
საზოგადოებას აქვს უნარი იმსახუროს ნებისმიერი ადამიანი და ნებისმიერი ორგანიზაცია მიუხედავად იმისა, უნდათ მათ ეს თუ არ უნდათ, მოსწონთ თუ არ მოსწონთ ეს. საზოგადოება სხვადასხვა გარემოებების და მოტივატორების მეშვეობით გვაიძულებს, გვასტიმულირებს, პირობებსაც გვიქმნის მას ვემსახუროთ, მისთვის ვიმუშაოთ ყოველდღიურად, ჩვენი ძალისხმევით სწორედ მისთვის შევქმნათ ახალ-ახალი სარგებელი.
- თარიღი: May 31, 2012
- კატეგორია: კადრების მართვა, სტრატეგია
- კომენტარები: 2
- წაკითხულია 2,141-ჯერ
მარტივი ჭეშმარიტება რეპუტაციის შესახებ
მომხმარებლები თავის რეალურ დამოკიდებულებას ჩვენი ორგანიზაციის მიმართ უფრო მეტად მაშინ იყალიბებენ, როდესაც ჩვენს პროდუქტს ან მომსახურებას ეხებიან, ვიდრე მაშინ, როდესაც ჩვენს რეკლამას უყურებენ ან უსმენენ. შესაბამისად ორგანიზაციის რეპუტაციას ისინი უფრო ქმნიან, რომლებიც ამ მომსახურებას ეწევიან და პროდუქტს ქმნიან ყოველდღიურად ვიდრე ისინი, ვინც სარეკლამო მასალებს ამზადებენ ან პრომო აქციებს და კამპანიებს გეგმავენ.
- თარიღი: May 30, 2012
- კატეგორია: ბიზნეს–პროცესები, საერთო, სტრატეგია
- კომენტარები: 0
- წაკითხულია 2,063-ჯერ
სტრატეგიის გაკეთება ძალიან მარტივადაც შეიძლება
სტრატეგიაზე მუშაობა ბევრნაირად შეიძლება და ძალიან ბევრიც შეიძლება მასზე იმუშაო, მაგრამ თუ ამის დრო და განწყობა არ გაქვთ ორგანიზაციის, ან მისი ქვედანაყოფის ელემენტარული სტრატეგიის გაკეთება ძალიან სწრაფად და ძალიან მარტივადაც შეიძლება. ამისათვის საკმარისია კარგი სამუშაო ჯგუფი შევკრიბოთ და თუნდაც ერთი კარგად ორგანიზებული სამუშაო შეხვედრა ჩავატაროთ.
