ინსაითები იწერება სინერჯი ჯგუფის კონსულტანტების მიერ მათ ყოველდღიურ საქმიანობაში აღმოჩენილ მიგნებებზე დაფუძნებით. განკუთვნილია მათთვის, ვისთვისაც მართვა საინტერესოა.



როგორ მოვიქცეთ, როცა დამფუძნებელი დირექტორით უკმაყოფილოა, მაგრამ ახლობლობის გამო ვერაფერს ეუბნება?

ამის თავიდან ასარიდებლად პრობლემა უნდა განვიხილოთ როგორც არა პიროვნების, არამედ როლის შეფასების და მართვის საკითხი. დამფუძნებელს გაუჭირდება იმის თქმა, რომ რაღაც არ მოსწონს ახლობელში, მაგრამ ბევრად ადვილია იმაზე საუბარი, თუ რა შედეგებს ელის კომპანია ამ პოზიციისგან და რა მაჩვენებლებს უნდა აღწევდეს და ვერ აღწევს.

სრულად წაკითხვა »

რატომ შეიძლება იყოს აუცილებელი სხვადასხვა ფუნქციების გეოგრაფიული სიახლოვე?

არსებობს ისეთი ცენტრალური ფუნქციები, რომელთა შორისაც საჭირო კოორდინაციას ზოგჯერ ვერც სტრუქტურა და ვერც პერიოდული შეხვედრები სათანადოდ ვერ უზრუნველყოფს, და ამის მისაღწევად ერთადერთი გამოსავალი მათი გეოგრაფიული დაახლოებაა.

სრულად წაკითხვა »

შეიძლება თუ არა საზოგადოებისთვის მავნებელი ფუნქციების მატარებელ ორგანიზაციებს საზოგადოებისთვის სასარგებლო დანიშნულება ჰქონდეთ?

ნებისმიერ ორგანიზაციას, რაც არ უნდა მავნე ფუნქციას ასრულებდეს იგი, აქვს საზოგადოებისთვის სასარგებლო დანიშნულება.  სრულად წაკითხვა »

როგორ შეგვიძლია გავაუმჯობესოთ ფილიალში ერთადერთი თანამშრომლის მოტივაცია და მუშაობის ხარისხი?

თანამშრომელი, რომელსაც მთელი დღე მარტო უწევს ფილიალში ყოფნა, სხვადასხვა გზებით შეგვიძლია წავახალისოთ. მათ შორის, თუ დაზღვევას, ტრენინგებსა და სხვადასხვა „ბენეფიტს“ შევთავაზებთ. ამის მიღწევა ასევე შეიძლება რიგ საკითხებთან დაკავშირებით მისი კონკრეტულ შეხვედრებზე მოწვევით და გადაწყვეტილებების მიღების პროცესში ჩართვით.

სრულად წაკითხვა »

რა უარყოფითი პროცესები ვითარდება, როცა ორგანიზაციის ზრდა ჩერდება?

როდესაც სწრაფად მზარდი კომპანია ზრდას აჩერებს, ეს მთლიანად ცვლის სისტემას — გეგმა, რომელიც აქამდე იყო გაწერილი, ვეღარ მუშაობს და თანამშრომლებიც სწრაფად ვერ გადმოდიან ზრდის ახალ კურსზე.

სრულად წაკითხვა »

შეიძლება თუ არა, რომ პირველმა პირმა მიმართულების კურატორობა მიანდოს დირექტორს, რომელიც მის სპეციფიკას დეტალურად არ იცნობს?

დირექტორს მის დაქვემდებარებაში არსებული ყველა მიმართულების სპეციფიკის დეტალურად ცოდნა არ სჭირდება, თუმცა მნიშვნელოვანია, რომ მიმართულებებში შუა რგოლის ხელმძღვანელები საკუთარ სფეროში მაღალი დონის სპეციალისტები იყვნენ, კურატორი დირექტორი კი მათ საჭირო რესურსების მოძიებაში, სხვა მიმართულებებთან კოორდინაციასა და სხვადასხვა სახის შიდა ორგანიზაციული დაბრკოლებების გადალახვაში ეხმარებოდეს. სრულად წაკითხვა »

პირველ რიგში რომელი სისტემის გამართულობაზე უნდა იზრუნოს ხელმძღვანელმა კერძო კომპანიაში?

პირველი პირისთვის ხშირად ყველაზე კრიტიკულია, მის კომპანიას გაყიდვების სისტემა ჰქონდეს გამართული, ვინაიდან სწორედ ამ სისტემას შეუძლია, მნიშვნელოვნად განსაზღვროს პროდუქტებისა თუ მომსახურების ღირებულება.

სრულად წაკითხვა »

როგორ შეუძლია პირველ პირს სტრატეგიის განხორციელების გაადვილება?

იმისათვის, რომ სტრატეგიის განხორციელება მხოლოდ პირველი პირის პირადი საფიქრალი და საწვალებელი არ იყოს, მან მთავარი სტრატეგიული ამოცანების განხორციელებაზე პასუხისმგებლობა მმართველი გუნდის წევრებს შორის უნდა გაანაწილოს და მათ ძალაუფლებაც ამოცანების მნიშვნელობის მიხედვით უნდა მიანიჭოს.

სრულად წაკითხვა »

რა იწვევს პირველი პირის მიმდინარე და ოპერაციული საკითხებით მოცდენას?

როდესაც პირველ პირს პირადად ექვემდებარება ძალიან ბევრი (10-12 ან მეტი) ერთეული, მისი დროის უდიდესი ნაწილი ამ ერთეულებს შორის წარმოქმნილი მიმდინარე საკითხების გადაწყვეტაზე იხარჯება, ისევე როგორც მათი შიდა საკითხების მოსმენასა და შეთანხმებაზე. ამის გამო ხელმძღვანელს ძალიან უჭირს ორგანიზაციის განვითარებისთვის საჭირო სტრატეგიული საკითხებისთვის დროისა და ყურადღების დათმობა.

სრულად წაკითხვა »

რა შემთხვევაში შეიძლება კარგავდეს პირველი პირი კრიტიკული ინფორმაციის მიღების შესაძლებლობას?

პირველი პირის უშუალო დაქვემდებარებულებს შორის პასუხისმგებლობების არასწორმა განაწილებამ შესაძლოა ამ ერთეულებს შეუქმნას როგორც მოტივაცია, ისე შესაძლებლობა, რომ ძალიან მნიშვნელოვანი ინფორმაცია პირველ პირამდე რაიმე მიზეზით ან საერთოდ არ მიიტანონ, მის ასვლას ხელი შეუშალონ, ან რეგულარულად „შეალამაზონ“.

სრულად წაკითხვა »

© სინერჯი ინსაითი Powered by Synergy Group

მასალების გამოყენების შემთხვევაში აუცილებელია წყაროს მითითება