ორგანიზაციაში გადაწყვეტილების მიღების პროცესი პირდაპირ განსაზღვრავს, თუ როგორ არის მენეჯმენტის ყურადღება განაწილებული, ეს კი, თავის მხრივ, ორგანიზაციის საბოლოო შედეგებზე ახდენს გავლენას. ხშირად, მნიშვნელოვან საკითხებზე მენეჯმენტის ყურადღების დანაკლისი, ანუ ე.წ. ორგანიზაციული გონებაგაფანტულობა, ერთი კონკრეტული შეცდომით არის გამოწვეული: როდესაც გადაწყვეტილებები მიიღება არა გააზრებული ერთსულოვნებით, არამედ ერთმანეთის „ხათრით“ და ზედაპირული კომპრომისით – მმართველი გუნდის წევრები სათანადო ძალისხმევას არ დებენ საკითხების გააზრებაში, ან გარკვეული მიზეზის გამო, არ უნდათ, რომ ერთმანეთი გაანაწყენონ.
სრულად წაკითხვა »

კრიზისების უმეტესობა არაპროგნოზირებადია — ისინი ხშირად გარე ფაქტორებითაა გამოწვეული და ყოველთვის შიდა შეცდომების შედეგს არ წარმოადგენს, რის გამოც არც ერთი ორგანიზაცია არ არის დაცული მსგავსი საფრთხისგან. თუმცა, კომპანიებისთვის ბევრად უფრო სახიფათოა შიდა, მცირე დაუდევრობით პროვოცირებული კრიზისები. ეს არის შეცდომები, რომლებიც ჯაჭვურ რეაქციას იწვევს და ორგანიზაციას გარდაუვალ ზიანს აყენებს. ასეთი დაუდევრობის ერთ-ერთი თვალსაჩინო მაგალითია ორგანიზაციის მიერ თავისი საწარმოო სიმძლავრეების – ტექნოლოგიური, თუ ადამიანური რესურსის – გამოუყენებლობა.

სრულად წაკითხვა »

ორგანიზაციების წარმატებას, როგორც წესი, მომხმარებლებთან კომუნიკაციის ხარისხი განსაზღვრავს, თუმცა აქ ხშირად იჩენს ხოლმე თავს უცნაური პარადოქსი: როდესაც ადამიანებს კონკრეტული პროდუქტი სჭირდებათ, ორგანიზაციები მათ იმის მოყოლით ღლიან, თუ როგორ შეიქმნა ეს პროდუქტი, რა პარამეტრები აქვს და ა.შ.; ხოლო როცა მომხმარებელს საჭირო პროდუქტის მიგნება სურს, ძიების პროცესით თავბრუს ახვევენ ხოლმე. ორგანიზაციებს არ სურთ საბოლოო შედეგის მარტივად, მასში ჩადებული შრომის აღწერის გარეშე, გაცემა. ეს კი, საბოლოოდ, მომხმარებელთან ურთიერთობას ართულებს, და შეიძლება მათი დაკარგვის მიზეზიც გახდეს. 

სრულად წაკითხვა »

წარმატებას გარესამყაროს მოლოდინების პროგნოზირება და მათზე ზუსტი რეაგირება განსაზღვრავს, იქნება ეს ხელმძღვანელის მოთხოვნების წინაშე მდგარი თანამშრომელი თუ მწერალი, რომლის მკითხველსაც გარკვეული მოლოდინები აქვს. ნამდვილ შედეგს ის აღწევს, ვინც მოვლენებს უსწრებს და სხვების საჭიროებებს წინასწარ გათვლილი ნაბიჯებით პასუხობს.

სრულად წაკითხვა »

ორგანიზაცია, რომლის პირველი პირიც საკუთარი დროის უდიდეს ნაწილს პროდუქტის (სერვისის) განვითარების გუნდებთან არ ატარებს, აუცილებლად დაიწყებს ფუნქციის დაკარგვას. მიუხედავად იმისა, თუ როგორი სტრატეგია აქვს კომპანიას არჩეული — თავდაცვითია იგი და ბაზრის არსებულ სეგმენტს იცავს, თუ ახალი ბაზრების ათვისებისთვის იბრძვის — პროდუქტის განვითარება უმნიშვნელოვანესი პროცესი გახდა თითქმის ნებისმიერი კერძო (და არა მხოლოდ) კომპანიისთვის.

სრულად წაკითხვა »

რეორგანიზაცია დოკუმენტით კი არ იწყება, არამედ — დისციპლინით. სტრუქტურა მხოლოდ მაშინ მუშაობს, როცა ის ფურცლიდან ყოველდღიურ ქცევაში გადადის და ამ პროცესს, პირველ რიგში, თავად ხელმძღვანელი ემორჩილება. თუ წესები მხოლოდ სხვებისთვის იწერება, ლიდერი კი ისევ ძველი ლოგიკით მართავს, მაშინ ნებისმიერი „ახალი სტრუქტურა“ უბრალოდ ფორმაა შინაარსის გარეშე.

სრულად წაკითხვა »

ყველა შესაძლო ალტერნატივის მოძიება და ღრმად გააზრება მნიშვნელოვანია იმისათვის, რომ საბოლოო არჩევანის სისწორეში და მისი განხორციელების მართლზომიერებაში დარწმუნდე.

სრულად წაკითხვა »

ბევრი ორგანიზაცია ვერ ახერხებს შიდა კორუფციასთან ეფექტურად ბრძოლას. ყველასათვის ცნობილია, რომ ძალიან ხშირად, ამა თუ იმ მომწოდებლის სასარგებლოდ გაკეთებული არჩევანის უკან კონკრეტული ფიზიკური პირების ფინანსური დაინტერესება დგას. ამ პრობლემის გამო, ბევრი კომპანია მარჟების არაერთ პროცენტს კარგავს და, გარკვეულ შემთხვევებში, ზარალზეც კი გადის.

სრულად წაკითხვა »

წარმოებებში ხშირად ხარისხის უზრუნველყოფას ხარისხის კონტროლში ურევენ, ხარისხის განვითარების ამოცანას კი საერთოდ არ ჰყავს კონკრეტული პასუხისმგებელი – ხან ვის აძლევენ ამ დავალებებს, ხან ვის, ძირითადად, ადამიანების უნარებიდან გამომდინარე. არადა, ხარისხის კონტროლი, ხარისხის უზრუნველყოფა და ხარისხის განვითარება არათუ სხვადასხვა ამოცანებია არამედ ურთიერთკონფლიქტურიც. რაც იმას ნიშნავს, რომ თუ ეს ორგანზიაციისთვის შესაძლებელია, სასურველია, ისინი ერთმანეთისგან გამიჯნოს.

სრულად წაკითხვა »

სადაზღვეო კომპანიები ხშირად ზარალის მართვის ამოცანას სადაზღვეო შემთხვევის დადგომისას დაზღვეული კლიენტების მომსახურების ამოცანასთან აიგივებენ; ეს კი იმ ადამიანებში, ვინც ამ ამოცანის გადაწყვეტაში მონაწილეობს, გაურკვევლობას იწვევს და ძალიან ურთულებს მათ ორივე, ან მინიმუმ ერთ-ერთი მათგანის გადაწყვეტას.  სრულად წაკითხვა »