დაქირავებული ხელმძღვანელის მოტივაცია, რომელზეც სწორი მეთვალყურეობა ხორციელდება, გაცილებით ძლიერი შეიძლება იყოს, ვიდრე დამფუძნებლის, რომელმაც ორგანიზაცია რაღაც ეტაპამდე მოიყვანა და აღარ ყოფნის ძალა, რომ მიმდინარე მართვის კომპლექსურ სირთულეებს მოერიოს.
ნებისმიერ ორგანიზაციაში, რომელსაც დამფუძნებელი მართავს, ზრდასთან ერთად დგება მომენტი, როდესაც კომპანიის არათუ განვითარებისთვის, გადარჩენისთვისაც კი უმთავრესი მამოძრავებელი ძალა ხელმძღვანელზე შექმნილი პასუხისმგებლობის წნევა ხდება.
იქიდან გამომდინარე, რომ დამფუძნებლები ასეთ წნევას საკუთარ თავს ვერ უქმნიან, აუცილებელია, ორგანიზაციამ დაქირავებული ხელმძღვანელით მათი ჩანაცვლების პროცესი დაიწყოს. რაც უფრო დაგვიანდება ამ პროცესის დაწყება, მით უფრო რთული და რისკიანი იქნება მისი განხორციელება.
იმისათვის, რომ ცვლილებებს ორგანიზაციისთვის მინიმალური რისკი ახლდეს, ამ პროცესის დროულად დაწყებასთან ერთად, აუცილებელია, რომ ის თანმიმდევრულად და კარგად ორგანიზებულად განხორციელდეს.
— საშუალო 4.67 ქულა
Loading ...