იმისთვის რომ ორგანიზაციის პოტენციალი მაქსიმალურად იქნეს გამოყენებული თანამშრომლების გეგმა მათი შესაძლებლობების ზღვართან მაქსიმალურად უნდა იყოს მიახლოებული — კონკრეტული თანამშრომლისთვის კი ასეთი გეგმის შედგენა ერთადერთი მხოლოდ მათთან თანამშრომლობით შეიძლება.

თუმცა, როგორც კი თანამშრომლის მოტივაცია გეგმებს მიებმება, შეუძლებელი ხდება, მათთვის შესაბამისი გეგმის სწორად შედგენა. ისინი მაქსიმალურად ეცდებიან, რომ ეს გეგმა რაც შეიძლება მარტივად შესრულებადი იყოს, იმისათვის, რომ ნაკლები ძალისხმევის სანაცვლოდ, გადაჭარბების შედეგად, მეტი ანაზღაურება მიიღონ.

ამიტომ, იმისთვის, რომ გეგმამ თავისი დანიშნულება უკეთესად შეასრულოს, და თანამშრომლებს თავიანთი შესაძლებლობები მაქსიმალურად გამოავლენინოს, უმჯობესია, მოტივაციის სისტემა გეგმაზე მიბმული არ იყოს.