მომხმარებელზე ზრუნვის მნიშვნელობას თითქმის ყველა ხელმძღვანელი იაზრებს, თუმცა უმეტესობა მაინც დაუსრულებელი გაიდლაინების შექმნასა თუ მკაცრი კონტროლის დანერგვას ცდილობს. არადა, თანამშრომლებში გულისხმიერების გაღვივება სულ რამდენიმე მარტივი პრინციპის ჩამოყალიბებითა და გუნდის ცნობიერებაში დამკვიდრებით მიიღწევა.
ამისათვის ზოგადი „გულისხმიერება“ კონკრეტულ, იოლად გასაგებ წესებად უნდა ვაქციოთ. მაგალითად: ყურადღებით მოუსმინე, ამომწურავად უპასუხე და მაქსიმალურად დაეხმარე. როდესაც თანამშრომლებს რთული ინსტრუქციების ნაცვლად ეს მარტივი ორიენტირები აქვთ, წესებს ბევრად იოლად ითავისებენ და მათი დაცვაც ყოველდღიურ ჩვევად ექცევათ.
როდესაც ამ პრინციპებს თანამშრომლები კედელზე, დახლსა თუ სალაროსთან ყოველდღიურად აწყდებიან, ისინი სულ გონებაში აქვთ და მათი დაცვაც თავისთავად უმარტივდებათ. შესაბამისად, ასეთი მიდგომით გულისხმიერება არა ძალდატანებითა და სიყალბით, არამედ თანამშრომლების ბუნებრივი ქცევით მკვიდრდება და მთლიანი ორგანიზაციის მახასიათებლად ყალიბდება.
Loading ...