პირველი პირები ხშირად ორგანიზაციიდან მიღებულ პირველივე მოგებას სხვა, ახალი წამოწყებების დასაფინანსებლად იყენებენ, მაშინ როდესაც, ეს თანხა პრიორიტეტულად ისევ იმავე კომპანიის განვითარებას უნდა მოხმარდეს, რომ თავად მოგების წყარო მყიფე არ დარჩეს.

ორგანიზაციები, რომლებიც პირველ მოგებებს წერენ, როგორც წესი, მდგრადები არ არიან, რადგან მოგებასთან ერთად ბევრი შიდა საჭიროება და რისკი აქვთ. შესაბამისად, ასეთ დროს ყველაზე მნიშვნელოვანია, რესურსების მობილიზებით ორგანიზაციამ საჭიროებები თანმიმდევრულად  დაფაროს და ამით სტაბილურობა მოიპოვოს.

ამავდროულად, განსაკუთრებით ახალ ორგანიზაციებში, თანამშრომლების, ბრენდის, წარმოებისა თუ გაყიდვების სისტემების განვითარების როგორც საჭიროება, ისე შესაძლებლობები ამოუწურავია. შესაბამისად, არსებული რესურსების მაქსიმალურად ამ მიმართულებებით გამოყენება ყოველთვის უკეთესია, რადგან საბოლოოდ უკვე მდგრადი მოგების მიღებას უზრუნველყოფს.