ქათმის ხორცის მწარმოებელი მსხვილი კომპანიები ადვილად შეძლებენ წარმოების გაზრდას და ნედლი (გაუყინავი) ხორცის ბაზარზე დამკვიდრებას, თუ ასეთი სქემით იმოქმედებენ:

• უარს იტყვიან ტრადიციულ მიდგომაზე, კონკრეტულად ქათმის საკუთარი რესურსებით გაზრდაზე და ამ საქმეს, გარკვეული საკომისიოს ფასად, წვრილ ფერმერებს მიანდობენ;

• უზრუნველყოფენ წვრილ ფერმერებს წიწილით, კომბინირებული საკვებით, ვაქცინებით და საკონსულტაციო მომსახურებით;

• დაალაგებენ ფერმერებიდან ცოცხალი ქათმის ტრანსპორტირების ლოგისტიკას;

• ძირითად ენერგიას და რესურსებს გამოიყენებენ ხორცის გადამუშავებაზე, სასაქონლო სახის მიცემაზე, ბრენდის განვითარებასა და რეალიზაციაზე;

ასეთი სქემა საკმაოდ კარგადაა აპრობირებული იმ ქვეყნებში, სადაც განვითარებულია მეფრინველეობა.