ის ორგანიზაციები, რომლებშიც ქვედანაყოფებს შორის ამოცანებია გადანაწილებული და არა ფუნქციები, გაცილებით უფრო ინიციატივიანი და დინამიურებია.

თუ ქვედანაყოფს აქვს კონკრეტული ამოცანა, მას ემსახურება (მაგ.: კლიენტების კმაყოფილების უზრუნველყოფა) და არ აქვს უბრალოდ ფუნქცია (მაგ.: კლიენტების მომსახურება), გაცილებით უფრო შემოქმედებითად უდგება საქმეს, იდეებიც ბევრი უჩნდება და შესაძლებლობებსაც უკეთესად ხედავს და იყენებს. ამასთან, ხალმძღვანელებისთვისაც ამოცანის შესრულების შეფასება ბევრად უფრო ადვილია, თანამშრომლების მოტივირებაც, სამოქმედო გეგმების შემუშავებაც უკეთესი ხარისხით ხდება შესაძლებელი.

სასურველია ამოცანა, რომელიც სამსახურს ევალება, რაც შეიძლება ცხადად იყოს მის დასახელებაში ასახული. იმისათვის, რომ როგორც მისი თანამშრომლებისთვის, ისე სხვა სტრუქტურებისთვის ბევრად ცხადი გახდეს თუ რა კონკრეტული პასუხისმგებლობა აკისრია ქვედანაყოფს.