ადამიანისთვის ფიქსირებული ანაზღაურების 10%-ზე ნაკლების ბონუსებად გადახდას არათუ წამახალისებელი ეფექტი არ აქვს, არამედ შეუძლია პირიქით, მისი გაღიზიანებაც კი გამოიწვიოს.

თანამშრომლების მოტივაციაზე თანხების ეკონომია არ შეიძლება. მხოლოდ იმაზეა საჭირო ფიქრი, რომ მოტივაციის სქემა იყოს სწორი. ვინაიდან, თუ მოტივაციის სქემას სწორად ავაწყობთ, თანამშრომლებისთვის ბონუსებში გადახდილი თანხებით ჩვენთვის სასურველ შედეგებს (მოგებას, თუ შემოსავლებს) ვყიდულობთ.

ყველა სტრუქტურულ ერთეულს (პოზიცია იქნება, თუ დეპარტამენტი), რომელიც მეტნაკლებად განსხვავებულ საქმეს აკეთებს, პრემირების ინდივიდუალური სქემა სჭირდება. ამიტომ არც იმაზე შეიძლება რესურსების ეკონომია, რომ საჭირო ადამიანების ჩართულობით ეს ერთეულები სწორად განსაზღვროთ და ეს სქემები შეიმუშავოთ (ან არსებულებს გადახედოთ).

ასევე მნიშვნელოვანია იმის გათვალისწინება, რომ ორგანიზაციაში არ არსებობს არც ერთი ერთეული, ვინც თავისი შრომით შემოსავალზე და მოგებაზე რაიმე ფორმით გავლენას არ ახდენს. ამიტომ, ვინც პირდაპირ მონაწილეობს შემოსავლების ზრდაში, პრემირების სისტემის მხოლოდ მათთვის შექმნა ორგანიზაციაში დაპირისპირებებს ზრდის და შესაძლოა უკეთესი შედეგების მიღწევას, პირიქით, ხელიც კი შეუშალოს.

პრემირების სწორი სისტემის შექმნა რთული მმართველობითი ამოცანაა და მისი ფრაგმენტულად და ზედაპირულად გაკეთება შესაძლოა ნახევარზომა აღმოჩნდეს და შედეგებზე ზეგავლენა ვერ მოახდინოს ან, შედეგების გაუარესებაც კი გამოიწვიოს.

„სინერჯი ჯგუფი“ ორგანიზაციებს რთული მმართველობითი ამოცანების გადაწყვეტაში ეხმარება. ინფორმაცია ჩვენს კლიენტებსა და პროექტებზე შეგიძლიათ იხილოთ აქ.