სამწუხაროდ, ძალიან იშვიათია ადამიანი, რომელიც სტრატეგიულადაც კარგად ხედავს სურათს და ტაქტიკურ დაგეგმვაშიც ძლიერია. ხელმძღვანელებსაც, უფრო ხშირად, ან ერთი გამოსდით უკეთესად, ან მეორე.

ჩვენი გამოცდილებით, ძალიან საშიში არიან ადამიანები ვინც სტრატეგიულად არასწორად ხედავენ სურათს, მაგრამ კარგად შეუძლიათ ტაქტიკური დაგეგმვა. ისინი უფრო ხშირად მიაქანებენ ორგანიზაციებს უბედურებისკენ, თან მწყობრი და თანმიმდევრული, კარგად ორგანიზებული ნაბიჯებით.

მაშინ როდესაც ნათელი, ცხადი სტრატეგიული ხედვის მქონე ლიდერები მართალია ყველას ტანჯავენ და აწვალებენ ერთი ადგილის ტკეპნით, წრიული მოძრაობებით, ბევრი ფიქრით და ცოტა მოქმედებით, არაორგანიზებულობით, არათანმიმდევრულობით, რესურსების არარაციონალური გამოყენებით, წვალებ-წვალებით, ნელ-ნელა, მაგრამ მანც სწორი მიმართულებით მიჰყავთ გუნდი. გზაშიც ბევრ ხალხს კარგავენ, მაგრამ ვისაც მიიყვანენ, ისინი ზუსტად დანიშნულების ადგილზე მიჰყავთ.