როგორც ნებისმიერი ადამიანის განწყობა განსაზღვრავს მის გარშემო მიმდინარე მოვლენებს, ზუსტად ასეა ორგანიზაციების შემთხვევაშიც. რაც უფრო ყურადღებიანი, თბილი, ორგანიზებული, მზრუნველი და მოფუსფუსე გარემოა, სადაც ადამიანებს მისვლა და შრომა უხარიათ; სადაც ისინი კლიენტებზე, ორგანიზაციაზე, ერთმანეთზე ზრუნვით და ერთმანეთის მხარდაჭერით ხარობენ, მით უფრო მშვიდი და ხელისშემწყობია გარემო ასეთი ორგანიზაციისთვის და ზრდასაც საკმარისად კარგი დინამიკა აქვს.

ასეთი ორგანიზაციისთვის, მაშინაც კი, როდესაც რაიმე მიზეზით გარემოში სიტუაცია მწვავდება და ეს კომპანიასაც გარკვეულ საფრთხეს უქმნის, თუ ორგანიზაცია სწორი განწყობის შენარჩუნებას ახერხებს, გარემო ისევ მალე მშვიდდება, კეთილგანწყობილი ხდება და დანაკარგებიც შედარებით მინიმალურია.

ბევრი ხელმძღვანელი თავისი ორგანიზაციის შედეგებს უფრო დიდ ყურადღებას აქცევს, ვიდრე ორგანიზაციის შიგნით არსებულ განწყობას. არადა, ძირითადად, სწორედ ამ განწყობას აქვს გადამწყვეტი წილი ამ შედეგებში.

ლიდერისთვის ყველაზე პრიორიტეტული ორგანიზაციის შიგნით სწორი განწყობის შექმნასა და შენარჩუნებაზე ზრუნვა უნდა იყოს და ასეთ შემთხვევაში პროდუქტი და მომსახურებაც სათანადო იქნება და კლიენტებისა და გარემოს კეთილგანწყობაც, თანამშრომლებიც ბევრად დიდ სიამოვნებას მიიღებენ შრომით.

ორგანიზაციაში სათანადო განწყობის შექმნა და შენარჩუნება რთული მმართველობითი ამოცანაა. ამისათვის, პირველი პირის მონდომების მიღმა შესაბამისი სისტემური მექანიზმებია შესაქმნელი.

„სინერჯი ჯგუფი“ ორგანიზაციებს რთული სტრატეგიული და მმართველობითი ამოცანების გადაწყვეტაში ეხმარება, და მათ შორისაა ასეთი ამოცანებიც.