ფილიალების, ტერიტორიულად მოცილებული სხვა სტრუქტურული ერთეულების უკეთ სამართავად აუცილებელია ისე იყოს მოწყობილი ორგანიზაციული სტრუქტურა, რომ იძლეოდეს ინფორმაციის შეუფერხებელი გაცვლის შესაძლებლობას როგორც ფილიალებიდან ცენტრში ისე პირიქით.

სამწუხაროდ ხშირად ისე ხდება, რომ ფილიალების ხელმძღვანელები, როგორც წარმატებას მიიჩნევენ საკუთარ დამსახურებად ისე იქ არსებული ნებისმიერი პრობლემა საკუთარ პირად პასუხისმგებლობად მიაჩნიათ. რის გამოც, შესაძლოა ქვეცნობიერად, მაგრამ შემკავებლები ხდებიან მნიშვნელოვანი ინფორმაციის მოძრაობისთვის.

რის შედეგადაც ადგილებზე არსებულ პრობლემებზე ინფორმაცია ვერ ამოდის, იგვიანებს ან მახინჯდება, რაც ართულებს დროული გადაწყვეტილებების მიღებას საჭირო ცვლილებებთან დაკავშირებით. ადგილებზე კი ვერ მიდის ინფორმაცია ცენტრალური ოფისიდან ვერც მუშაობის მეთოდებზე, ვერც სიახლეებზე, ვერც ახალ პროდუქტებსა თუ მიმდინარე სხვა მნიშვნელოვან ცვლილებებზე, რაც ცენტრალურ ოფისს ძალიან ურთულებს ფილიალების ეფექტიან მხარდაჭერას.

საჭიროა ისე იყოს აწყობილი ფილიალების მართვა, რომ ფუნქციონალური და ოპერაციული მმართველობა იყოს მაქსიმალურად გამიჯნული ერთმანეთისგან. ოპერაციული მმართველობა ხორციელდებოდეს ფილიალების ხელმძღვანელების მეშვეობით, ხოლო ადგილზე არსებული თანამშრომლების რაც შეიძლება დიდ ნაწილს (ფინანსებს, მარკეტინგს და გაყიდვებს და ა.შ.) უნდა ყავდეს ცენტრალურ ოფისში პირდაპირი ფუნქციონალური ხელმძღვანელობა ვისთანაც ისინი ანგარიშვალდებულები იქნებინ პირადად და ვინც პასუხისმგებელი იქნება მათ სწორად შერჩევაზე, მოტივაციაზე, სწავლებასა და განვითარებაზე.