ვფიქრობთ, რაიონული ბიბლიოთეკების რეორგანიზაციით, მათი ახლებური მოწყობით, საკადრო დაკომპლექტებით და მათთვის მუშაობის ახალი ინსტრუქციების მიცემით განათლების სამინისტროს შეუძლია მნიშვნელოვანი წვლილი შეიტანოს ახალი თაობების განათლების დონის ამაღლებაში. რაც ამ სამინისტროს უპირატესი მიზანია. ხოლო კითხვის სურვილის და ჩვევის გაჩენის გარეშე კი ამ მიზნის მიღწევა პრაქტიკულად შეუძლებელი იქნება. სრულად წაკითხვა »
ინსაითები იწერება სინერჯი ჯგუფის კონსულტანტების მიერ მათ ყოველდღიურ საქმიანობაში აღმოჩენილ მიგნებებზე დაფუძნებით. განკუთვნილია მათთვის, ვისთვისაც მართვა საინტერესოა.
რა უნდა იყოს განათლების სამინისტროს მთავარი პრიორიტეტი 2010 წელს
წესით, თუ დასაქმება მთავრობის რეალური პრიორიტეტია, არაფერი უფრო მნიშვნელოვანი არ უნდა იყოს განათლების სამინისტროსთვის, თუ არა სახელობო, ყოფილი პროფესიულ-ტექნიკური სწავლების მიმართულების განვითარება. გასაგებია, რომ გასაკეთებელი კიდევ ბევრია, როგორც სასკოლო და საუნივერსიტეტო განათლების ხარისხის გაზრდის, ისე სამეცნიერო მუშაობის ეფექტიანობის ამაღლების მიმართულებით. თუმცა სწორედ სახელობო სწავლების განვითარებას დღეს ყველაზე მეტი სარგებლის მოტანა შეუძლია დასაქმების ამოცანების გადასაწყვეტად, მოსახლეობის კეთილდღეობის დონეზე ყველაზე სწრაფი ეფექტიც, წესით მას უნდა ჰქონდეს. სრულად წაკითხვა »
როგორ შეუძლიათ სატელევიზიო კომპანიებს ბევრად მიმზიდველი გახადონ საკუთარი ეთერიც და ინტერნეტ საიტებიც
სატელევიზიო კომპანიებისათვის სულ უფრო მნიშვნელოვანი ხდება კარგად განვითარებული ინტერნეტ–საიტები, ვინაიდან მაყურებელთა დიდი ნაწილისათვის დღის განმავლობაში ეს ბევრად უფრო კომფორტული საშუალებაა მათი პროდუქცის ნახვისათვის.
ასევე მნიშვნელოვანი ამოცანაა მათთვის მრავალფეროვანი გახადონ საკუთარი სიუჟეტები, და მათი მეშვეობით საზოგადოებისათვის საინტერესო ბევრი თემა მოიცვან. სამოყვარულო რეპორტაჟები, შესაძლოა, საუკეთესო საშუალება აღმოჩნდეს ამ ორივე ამოცანის გადასაჭრელად. სრულად წაკითხვა »
ვისთან თანამშრომლობით შეუძლიათ ბანკებს გაზარდონ ხარისხიანი საკრედიტო პორტფელის მოცულობა
აუდიტორული კომპანიები და ცნობილი კერძო აუდიტორები საუკეთესო პარტნიორები შეიძლება აღმოჩნდნენ ბანკებისათვის ხარისხიანი საკრედიტო პორტფელის სწრაფად გასაზრდელად. აღნიშნული საკითხი, მოგეხსენებათ, ბანკების უმეტესობისათვის ძალიან აქტუალურ ამოცანას წარმოადგენს. სრულად წაკითხვა »
ვისთვის შეიძლება იყოს ხელსაყრელი სამთო კურორტების განვითარება
ვფიქრობთ, თუ დიდი ფარმაცევტული კომპანიები (პსპ, ავერსი) ცნობილი ქართული სამთო კურორტების განვითარებას დაიწყებენ, სანატორიუმებს და სამკურნალო–გამაჯანსაღებელ კომპლექსებს აღადგენენ, საგზურებს კი აფთიაქების მეშვეობით გაყიდიან გაცილებით დიდ მოგებას მიიღებენ, ვიდრე თბილისში ამდენი კლინიკების მშენებლობითა და რეკონსტრუქციით. სრულად წაკითხვა »
რა უნდა გააკეთონ ბანკებმა საკრედიტო პორტფელის გასაზრდელად
დღეს, როდესაც ბანკებისთვის დაკრედიტების ადრინდელი პოლიტიკა და მიდგომები ფაქტიურად აღარ მუშაობს იმ უბრალო მიზეზის გამო, რომ უძრავი ქონება, როგორც მთავარი უზრუნველყოფის რეალიზაცია ძალიან გართულებულია და ღირებულებაც უკიდურესად შემცირებული, ბანკებისათვის აქტუალური ხდება კითხვა – როგორ გაზარდონ საკრედიტო პორტფელი ისე, რომ მნიშვნელოვნად არ იმატოს სესხების დაბრუნებასთან დაკავშირებულმა რისკებმა.
რა შეიძლება იყოს კიდევ ერთი გზა ახალი მანქანების გასაყიდად
ახლა, როცა კატასტროფულად არის შემცირებული ისეთი ადამიანების რიცხვი, ვისაც მარტოს შეუძლია ახალი ავტომანქანის ყიდვა უფრო საინტერესო ხდება გაყიდვის ერთობლივი ფორმა. დიახ, ბევრი ადამიანი გააკეთებს ამას. ქორწილი კი ერთ ერთი საუკეთესო მიზეზი შეიძლება იყოს ასეთი, შესყიდვისათვის.
რა შეუძლია სახელმწიფოს გააკეთოს იმისათვის, რომ მინიმუმამდე შემცირდეს ნასვამ მდგომარეობაში ავტომანქანის მართვით გამოწვეული მსხვერპლი?
აღდგომის დღესასწაულზე მძიმე ავარია მოხდა ჩემს უბანში. სამი ადამიანი დაიღუპა. ამბობენ ნასვამი იყო ერთ-ერთი ავტომობილის მძღოლი. ამასწინათ ერთ ჟურნალს წავაწყდი სახლში, სადაც ავტოკატასტროფის სტატისტიკა ვნახე. მიზეზთა 40%-ზე მეტში ალკოჰოლია დასახელებული. პირველად, ჩემი ავტომობილით ავტოავარიაში რომ მოვყევი, ნასვამი ვიყავი და სიჩქარის გადაჭარბების გამო წყნეთის გზაზე ამოვტრიალდი. მანქანა ჯართში ჩავაბარე. მადლობა ღმერთს მე და ჩემი მგზავრი უვნებელნი დავრჩით.
რა შეუძლია სახელმწიფოს გააკეთოს იმისათვის, რომ ბოლო მოეღოს ამას, ან მინიმუმამდე მაინც დავიდეს ალკოჰოლის მსხვერპლთა რაოდენობა ? სრულად წაკითხვა »
როგორ შეუძლიათ ფარმაცევტულ კომპანიებს პარაფარმაციის მიმართულების განვითარება
ამ ბოლო დროს ფარმაცევტული კომპანიები განსაკუთრებულ ყურადღებას უთმობენ პარაფარმაციის მიმართულების განვითარებას. მოსახლეობაში შემოსავლების მატება მოთხოვნას ზრდის თავის მოვლის ძვირ და ხარისხიან საშუალებებზე. შესაბამისად ეს მიმართულებაც შედარებით აქტიურად ვითარდება და იაფ, ცნობილ მწარმოებლებს სულ უფრო ჩაენაცვლებიან შედარებით ძვირი, ექსკლუზიური, კონკრეტულ პრობლემებეზე მიმართული თავის მოვლის საშუალებები. სრულად წაკითხვა »
როგორ შეუძლიათ ბეტონის მსხვილ მწარმოებლებს გაყიდვების გაზრდა
მშენებლობების შემცირებამ ბუნებრივად გამოიწვია ბეტონზე მოთხოვნის შემცირებაც. შესაბამისად ყველა შესაძლებლობის გამოყენება გაყიდვების მოცულობების მაქსიმალური შენარჩუნებისათის აქტუალური გახდა ბეტონოს ყველა დიდი მწარმოებლისთვის. სამი რამ არის მნიშვნელოვანი დღეს ამ ბაზაზე, ჩვენი აზრით :
ა) საინფორმაციო ნაკადების აწყობა ისე, რომ, რაც შეიძლება მეტი ინფორმაცია მოდიოდეს მოსალოდნელი მშენებლობების შესახებ;
ბ) უფრო აქტიური მუშაობა დამკვეთებთან და არა შემსრულებლებთან, მათი დარწმუნება, მოითხოვონ შემსრულებლისგან სწორედ მისი ბეტონის ჩასხმა;
გ) ბეტონზე მოთხოვნის ზრდის სტიმულირება ისეთი პროექტების ორგანიზებით, რომელიც განსაკუთრებით ბევრ ბეტონს მოიხმარს.
