ვფიქრობთ, მერიას შეუძლია დაეხმაროს ხელსაქმით დაინტერესებულ მოქალაქეებს დასაქმებაში, თუ შეუქმნის მათ უნარების გამოვლენისა და განვითარების  შესაძლებლობას, მატერიალურად და ტექნიკურად დაუჭერს მხარს სალონების გახსნის და მათი ნახელავის რეკლამირებას.

ამისათვის საწყის ეტაპზე კარგი იქნება, მერიამ გამოაცხადოს ხელსაქმის შემსწავლელი უფასო კურსები, სადაც დაინტერესებული მოქალაქეები შეძლებენ დახელოვნდნენ კერვაში, ქსოვაში, მინანქრული ნაწარმის, ბისერების კეთებაში და ა.შ.

სწავლების დამთავრების შემდეგ ეტაპზე ამ ადამიანებმა კურსის განმავლობაში მიღებული ცოდნის გამოყენებით დაამზადონ ნიმუშები, რომლებიც საკონკურსო წესით შეფასდება კომპეტენტური ჟიურის მიერ.

ყველაზე გამორჩეულებს მერია სალონის გახსნაში დაეხმაროს – ფართის, საჭირო მოწყობილობების, ინვენტარის, მასალების შესაძენად და რეკლამირებისთვის იაფი კრედიტის გამოყოფის ან საქმიანი პარტნიორების მოძიების უზრუნველყოფით.

გარდა ამისა, კონკურსის ყველა მონაწილის და მსგავსი საქმით დაინტერესებულ-დაკავებული მოქალაქეებისთვის ნამუშევრების გამოფენა მოაწყოს, დამატებით შექმნას ვებგვერდი, სადაც ყველა შეძლებს საკუთარის ნამუშევრის ფოტოს ატვირთვას შესაბამისი საკონტაქტო ინფორმაციით.

ვფიქრობთ, ეს დაეხმარება ერთის მხრივ, უმუშევარ მოქალაქეებს დასაქმებაში და მეორეს მხრივ, უკვე დახელოვნებულ ადამიანებს მეტად განვითარებაში და პოპულარიზაციაში