ერთხელ, ერთი დიდი ორგანიზაციის უმაღლესმა ხელმძღვანელმა გვთხოვა, იქნებ ისეთი რამე ჩაგვაწერინოთ თანამშრომლებთან კონტრაქტში, რომ სამუშაოდ სხვა ორგანიზაციაში ვეღარ წავიდნენო. რა თქმა უნდა, ასეთი ვერაფერი ვურჩიეთ მაშინ, მაგრამ ჩვენთვის კიდევ ერთხელ დავრწმუნდით, ერთადერთი გზა ღირებული თანამშრომლების დასაკავებლად ის არის, რომ კი არ შევუშალო, არამედ შევუწყოთ კიდეც ხელი წავიდეს იქ, სადაც უფრო მეტის გაკეთებას შეძლებს და უფრო სწრაფად განვითარდება.

ასეთ შემთხვევაში, პირველ რიგში ვიწყებთ იმაზე ფიქრს, რომ ჩვენი ორგანიზაცია ჩვენთვის სასურველი თანამშრომლებისათვის იყოს ადგილი, სადაც ისინი მაქსიმალური სარგებლის შექმნას ახერხებენ და სწრაფად ვითარდებიან.

ისინი კი, ვისთვისაც ამას ვერ ვახერხებთ, ხშირად უმჯობესია წავიდნენ, ვიდრე დარჩნენ და მუდმივად უკმაყოფილოები იყვნენ, იწუწუნონ თვითონაც და სხვებიც შეაწუხონ საკუთარი უკმაყოფილებით.