თუ ორგანიზაცია მაღალი და საშუალო რგოლის ხელმძღვანელებისგან, ყველაზე ლოიალური და გამოცდილი თანამშრომლებისგან, ასევე მათგანაც, ვინც ორგანიზაციაში ადრე მუშაობდა და ახლაც ახლო ურთიერთობას ინარჩუნებს მასთან, ერთგულებას და ლოიალურობას გამოხატავს, შექმნის ნდობის ჯგუფს და შეეცდება ორგანიზაციისათვის ყველაზე მნიშნელოვან გადაწყვეტილებებს მისი დახმარებით მიაღწიოს, ბევრ კარგ შედეგს მიიღებს აქედან:

1. მათი ჩართულობის პროპორციულად გაზრდის ამ ადამიანების მოტივაციას და პასუხისმგებლობის გრძნობას ორგანიზაციის შედეგებზე;

2. შეძლებს მათი ინტელექტის, უნარების, მათ ხელში არსებული ინფორმაციის უფრო უკეთ გამოყენებას ორგანიზაციის სასარგებლოდ;

3. მათი დახმარებით შეძლებს უფრო ადვილად გაავრცელოს მნიშნელოვანი ინფორმაცია ორგანიზაციის შიგნით, ასევე  მიიღოს ინფორმაცია ორგანიზაციაში არსებული პრობლემებისა და ადამაინების განწყობის შესახებ.

ამ ყველაფრისათვის კი საჭირო იქნება მხოლოდ წელიწადში ორჯერ, ან სამჯერ უმაღლესი მენეჯმენტის წევრები შეხვდნენ ნდობის ჯგუფის წევრებს, მიაწოდონ მათ ინფორმაცია ორგანიზაციის გეგმების შესახებ და მოისმინონ მათგან მოსაზრებები როგორც ამ გეგმებთან დაკავშირებით, ისე სხვა, მათი აზრით, მნიშნელოვანი და მწვავე პრობლემებისა და საკითხების თაობაზე.