პრემირების და ბონუსების სისტემები დემოტივაციას უფრო ამცირებენ თანამშრომლებში, ვიდრე მოტივაციას ზრდიან. მათი შექმნა და განვითარება, რა თქმა უნდა, აუცილებელია, მაგრამ მათი მნიშვნელობის გადაჭარბებითშეფასება ნამდვილად არ ღირს.

როგორი ცხადიც არ უნდა იყოს პრემირების თუ ბონუსების სისტემა, რამდენად დიდიც არ უნდა იყოს თანხები, რომელსაც ადამიანები ამის შედეგად იღებენ, მათი უპირველესი მოტივატორი მაინც ის შეფასებაა, რომლითაც მენეჯმენტი მათ საქმიანობას აფასებს. თანამშრომლების უდიდეს ნაწილს იმის კეთება ურჩევნია, რაც კარგად ფასდება მენეჯმენტის მხრიდან და არა იმის, რაშიც ბონუსებს არიან შეპირებული. მთავარია მათ ცხადად იცოდნენ, რა არის მენეჯმენტისთვის მნიშვნელოვანი შეფასებისას, რა მოსწონთ და რა არა მათ საქამიანობაში.

ამის მიზეზი მარტივია. ბონუსებიც და პრემიაც, რა თქმა უნდა, კარგია, მაგრამ ადამიანების უდიდესი ნაწილისთვის მთავარი მოტივაცია მაინც სამსახურის შენარჩუნება, გრძელვადიანი ფინანსური სტაბილურობა და კარიერის განვითარებაა. ამაზე კი გავლენას სწორედ მენეჯმენტის მიერ მათი საქმიანობის შეფასება ახდენს და არა მათ მიერ აღებული პრემიისა თუ ბონუსების მოცულობა.

თუ თანამშრომლებში რეალურად გვინდა მოტივაცია გავზარდოთ და არა, უბრალოდ, დემოტივაცია შევამციროთ, პირველ რიგში ანგარიშგების და მასზე დაფუძნებული შეფასების სისტემა უნდა გავაკეთოთ და პრემიებიც, ბონუსებიც, ხელფასის მატებაც და დაწინაურებებიც სწორედ ამ შეფასებებს უნდა დავუქვემდებაროთ.

იკითხეთ სინერჯი ჯგუფის წიგნები და ეძებეთ ახალი გზები თანამშრომლების სწორად მოტივირებისათვის.