ახალი პოზიციების შექმნისას, ხანდახან მხოლოდ დებულებები/სამუშაო აღწერილობები და მათი კომუნიკაცია არ არის საკმარისი. იმისათვის, რომ ეს სტრუქტურული ერთეული გამართულად ამუშავდეს, განსაკუთრებით მაშინ, როცა ამ პოზიციას, ფუნქციებთან ერთად, ბევრი მოვალეობა აკისრია სხვა  ერთეულების მიმართ. ამ დროს ძალიან მნიშვნელოვანია, თუ ახალშექმნილი პოზიციისთვის მუშაობის ძირითად სქემასაც გავაკეთებთ. 

რა თქმა უნდა, დებულებების არსებობასა და მათ კომუნიკაციას გადამწყვეტი მნისვნელობა აქვს ერთეულისთვის, იცოდეს ზუსტად, რა უნდა აკეთოს, თუმცა განსაკუთრებით ახალშექმნილი ერთეულებისთვის მხოლოდ დებულებები შეიძლება არ იყოს საკმარისი.  დებულებებთან ერთად მათ დამატებითი ინსტრუქციებიც ესაჭიროებათ, რათა სრული სიმძლავრით ამოქმედდნენ.

მუშაობის სქემები დამატებითი ინსტრუქციების  ერთ-ერთი გადაწყვეტილებაა, რომელსაც, შეიძლება, ნორმატიული ან რეკომენდაციული ხასიათი ჰქონდეს. ის 20-30 მოქმედებისგან შედგება და დეტალურად , სქემატურად  აღწერს ერთეულის საქმიანობას (მოქმედებებად) პროცესუალურად, მოქმედებების ხანგრძლივობას და მისი კავშირის წერტილებს სხვა ერთეულებთან. მსგავსი სქემები უფრო მარტივად ქმნის წარმოდგენას ამ პოზიციაზე მყოფი მთავარი საქმიანობის შესახებ.