ანგარიშგების სისტემა და მასზე დაფუძნებული შეფასებები, იმის გარდა, რომ კარგი მოტივაციის სისტემის ჩამოყალიბების საშუალებას იძლევა, თვითონაც შეიძლება გახდეს საუკეთესო მოტივატორი თანამშრომლების დიდი უმრავლეოსობისათვის.

თუ ყველა სამსახურისთვის და მათში ყველაზე მნიშვნელოვანი პოზიციებისთვის განვსაზრავთ რაოდენობრივ პარამეტრებს, რომელიც მათი საქმიანობის შედეგიანობის გაზომვის საშუალებას იძლევა, ასევე იმ მიმართულებებს ჩამოვწერთ, რა მიმართულებებითაც ისინი უნდა მოქმედებედნენ დებულებიდან გამომდინარე, დავავალებთ გარკვეული პერიოდულობით ანგარიშგების მომზადებას, სადაც შეიყვანენ როგორც რაოდენობრივ შედეგებს ისე ჩამოწერენ რა გააკეთეს ამ ფორმის შესაბამისად, ეს ადამიანებში მნიშვნელოვნად გაზრდის მობილიზაციას,თანაც ისეთ საკითხებზე, რაც მათთვის დებულებით არის განსაზრული.

ასეთი ანგარიშგების ფორმებისთვის უნდა არსებობდეს შეფასების სისტემა.იგი უნდა განსაზღვრავდეს თუ ზუსტად ვის ეგზავნება ეს ანგარიშები და როგორ აკეთებენ ისინი მათზე დაფუძნებით შეფასებებს.

ასეთი შეფასებები კი, თავის მხრივ, ადვილად გახდება როგორც ხელფასის მომატების, ისე პრემიების და ბონუსების გაცემის ბაზა, ასევე თანამშრომლების დაწინაურებაზე გადაწყვეტილების მიღებისას, შეიძლება, მისცეს მენეჯმენტს საგულისხმო ინფორმაცია.

ასეთი შეფასების და ანგარიშგების სისტემიდან ყველაზე დიდი სარგებელი მაინც ის არის, რომ იგი დებულებების გაცოცხლების საშუალებას იძლევა და ის, რაც მათში არის ასახული–ოპერატიული, ყოველდღიური დავალებების გარეშეც თანამშრომლების ყოველდღიური საზრუნავი შეიძლება გახდეს.