თუ თანამშრომელს კარგად განვუმარტავთ კონკრეტულად რა არის მისი ფუნქცია ორიგანიზაციაში და რა მნიშვნელობა აქვს ორგანიზაციისათვის იმას, რასაც ის აკეთებს და ამ მნიშვნელობას არა მარტო ლაპარაკით, არამედ მათდამი დამოკიდებულებითაც გამოვხატავთ, ადამიანების უკეთ მუშაობის მოტივაცია მნიშვნელოვნად გაიზრდება.

ძალიან ბევრ შემთხვევაში თანამშრომლების არაპროდუქტიულობას მათი ბუნდოვანი როლი და პასუხისმგებლობა განაპირობებს. არ იციან ზუსტად რას ითხოვს მათგან ორგანიზაცია და მისი მენეჯმენტი, რა შემთხვევაში შეაფასებენ მათ მუშაობას კარგად და რა შემთხვევაში ნაკლებად.

სწორედ ამიტომ ფორმულებით გადმოცემული მოტივაციის სქემები, გეგმები, სამუშაოს აღწერები, თუ ისინი სწორად არის გაკეთებული, ადამიანებს უფრო ცხადად მიანიშნებს აძლევს რაზე გააკეთონ აქცენტი ყოველდღიურ მუშაობაში და ეხმარება მათ უფრო პროდუქტიულები გახდნენ.

არანაკლებ მნიშვნელოვანია მათი საქმის ორგანიზაციისათვის მნიშვნელობის გამოხატვა და ხაზგასმა, ამასთან რაც შეიძლება ხშირად. ეს თანამშრომლებს საკუთარი საქმის მიმართ პატივისცემას, პროფესიულ სიამაყეს უზრდის და ეხმარება უფრო მეტი ყურადღება დაუთმონ დეტალებს, მეტი სიამოვნებით და შესაბამისად უკეთესი ხარისხით აკეთონ ყოველდღიური სამუშაო.

იკითხეთ სინერჯი ჯგუფის წიგნები და ეძებეთ ახალი გზები თანამშრომლების უკეთ მოტივირებისათვის.