ჩვენი ორგანიზაციის, თანამშრომელთა შორის არიან ისეთები, ვისაც ყველაზე კარგი პერსპექტივა აქვთ მისი მომავალი ლიდერები გახდნენ. რაც უფრო მალე ვიპოვით მათ და დავეხმარებით ამისათვის მომზადებაში, მით უფრო ღირსეულ ადამიანებს მოუწევთ მომავალში ჩვენი ორგანიზაციის მართვა.

მათი პოვნა ყველაზე ადვილად თანამშრომლებში სხვადასხვა ინიციატივების წახალისებით და მათზე დაკვირვებით შეიძლება, ვინც ამ ინიციატივების დაყენებასა და განხორციელებაში ყველაზე აქტიურად მონაწილეობს.

საზოგადოებრივი, სოციალური აქციების, პროექტების და კამპანიების ინიცირება და ორგანიზება ის ველია, სადაც ეს ხალხი თავს აუცილებლად გამოიჩენს. ასეთი სამუშაოების წამოწყება თუნდაც მათი გამორჩევისთვის ღირს, თვითონ ამ სამუშაოების დადებით შედეგებზე რომ არ ვილაპარაკოთ.

რაც შეეხება მათ უკეთ მომზადებას, ამის ყველაზე კარგი გზა მათთვის, ძირითადი საქმის პარალელურად, სპეციალური დავალებების ხშირად მიცემაა. პროდუქტის, მომსახურების განვითარების ამოცანებში ჩართვა, ახალი ინოვაციური იდეების მოძიება, დამუშავება-განხორციელების ორგანიზაცია – ის დავალებებია, რომლებიც მათი მეშვეობით კარგადაც გაკეთდება და მათ ღირსეულ ლიდერებად ჩამოყალიბებასაც მნიშვნელოვნად დააჩქარებს.