რატომღაც მიღებულია, როდესაც ორგანიზაცია რეორგანიზაციას იწყებს, ეს ნიშნავს, რომ მას რაღაც სერიოზული პრობლემები აქვს. სინამდვილეში ორგანიზაციული ცვლილებები და მათ შორის არსებითი სტრუქტურული ცვლილებები სწორედ იმიტომ უნდა ხდებოდეს, რომ მნიშვნელოვანი ორგანიზაციული კრიზისი და დანაკარგები ავირიდოთ თავიდან.
ამას წინათ ერთ-ერთ ძალიან წარმატებულ კომპანიაში დავასრულეთ სტრუქტურის რედიზაინის პროექტი. როდესაც მენეჯმენტმა რადიკალური ცვლილებები დაიწყო, მათი პარტნიორები, საქმიან ურთიერთობაში მყოფი კომპანიების მენეჯერები გაოცებულებული ეკითხებოდნენ – “კი მარა, რა პრობლემები გქონდათ ამნაირი სტრუქტურაში, ასეთი ცვლილებები რომ დაიწყეთო” . არადა მენეჯმენტმა დაინახა, რომ კონკრეტული გადაადგილებებით, რამდენიმე ახალი პოზიციის თუ სამსახურის შექმნით გაზრდიდა არსებული შესაძლებლობების გამოყენების ხარისხსაც და მომავალ გართულებებსაც მნიშვნელოვანწილად აიცილებდა თავიდან. ამიტომაც განახორციელეს სტრუქტურული ცვლილებები.
რა უმჯობესია, დაველოდოთ სანამ წელში გაგვწყვეტს ჩვენივე ორგანიზაციული პრობლემები, თუ დავასწროთ, წინასწარ განვახორციელოთ სათანადო ცვლილებები თუ დავზოგოთ დროც, ნერვებიც და ბევრად უკეთესი შედეგების მიღწევასაც შევუწყოთ ამით ხელი?
Loading ...