მსხვილი ორგანიზაციის ხელმძღვანელებს თუ თავისი მხარდამჭერი გუნდი ეყოლებოდა, ეს მისი საქმიანობის ეფექტურობას უფრო ხელს შეუწყობდა და მეორეს მხრივ სხვა სტრუქტურულ ერთეულებსაც გამოათავისუფლებდა დირექტორის ტექნიკური დავალებების შესრულებისგან.
ქართული ორგანიზაციების ნაწილში გავრცელებული პრაქტიკაა, რომ დირექტორს ჰყავს მდივანი/ასისტენტი და ამასთან ერთად ხშირად ადამიანური რესურსების სამსახურს ან იურიდიული სამსახურს ან ფინანსურ სამსახურს უქვემდებარებენ ხოლმე, რომლებიც მდივანთან ერთად დირექტორის ასისტირებას ახდენენ. 2 ტიპის პრობლემა წარმოიქმნება ამ დროს:
ერთი ისაა, რომ რაც უფრო ახლოს იქნება რომელიმე კონკრეტული სამსახური დირექტორტთან ის ავტომატურად დირექტორის უფრო მეტ დროსა და რესურსს წაიღებს. განსაკუთრებით ეს ყველაზე საფრთხილო მაშინაა როცა ეს სამსახური ორგანიზაციის პრიორიტეტულ ამოცანებში ვერ ხვდება, რაც იმას ნიშნავს რომ დირექტორის პრიორიტეტული მიმართულებების დროს ბუნებრივად იყენებს.
მეორე პრობლემა იმაში მდგომარეობს, რომ დირექტორს მუდმივად ექნება ისეთი საკითხები, რასაც სხვა მიმართულებებს ნაკლებად დაავალებს და დავალებები ისევ ყველაზე ახლოს მყოფ სტრუქტურებზე განაწილდება. შესაბამისად ისინიც უფრო დირექტორის თხოვნების შესრულებაზე იქნებიან ორიენტირებულნი და მათი საკუთარი ამოცანები პრიორიტეტულობით მეორე ადგილზე გადაინაცვლებს.
ამიტომ სტრუქტურის კეთებისას ღირებული გადაწყვეტილება იქნება, თუ განისაზღვრება ის კომპეტენციები რაც დირექტორის ეფექტური საქმიანობისთვის არის საჭირო და მას ეყოლება მცირე გუნდი, რომელიც უშუალოდ დირექტორს გაუწევს ყოველდღიურ საქმიანობაში ანალიტიკურ, ტექნიკურ, საპროტოკოლო, სამდივნო და მსგავსი ფუნქციებით ასისტირებას.
Loading ...