გასვლითი ღონისძიებები განსაკუთრებით დატვირთულია. ამ დროს ადამიანები უფრო გახსნილები, შინაურულები, მოტივირებულები არიან. განსაკუთრებით მაშინ, როცა ასეთი ღონისძიება ორგანიზაციის პრიორიტეტების დაზუსტებას, სტრატეგიული მიმართულებების განვითარებას ეხება.

წელიწადში ერთხელ, ალბათ ყველა ორგანიზაციამ უნდა მისცეს ასეთი “ფუფუნება” თავს და მსგავსი ღონისძიება დაგეგმოს. მისთვის ხორცის შესასხმელად სულ რამდენიმე რამაა საჭირო:

1. ორგანიზაციის წლიურ ბიუჯეტში მინიმუმ ერთი გასვლითი ღონისძიების ხარჯების გათვალისწინება;

2. გასვლითი ღონისძიების შინაარსობრივი მომზადება მაღალი ხარისხით;

3. გასვლითი ღონისძიების ტექნიკური მომზადება თავისი მცირე ე.წ. ენერჯაიზერებით.

ამ შეხვედრის შემდეგ სამუშაო ადგილებზე დაბრუნებაც უფრო სასიამოვნო ხდება, მოტივაციის დონეც იმატებს და ორგანიზაციაც მთლიანობაში შედარებით მკაფიო ხედვით უბრუნდება საქმიანობას.