ხშირად, როდესაც ფინანსურ დირექტორს სამეურნეო-ტექნიკური მხარდაჭერის სამსახურს უქვემდებარებენ, ეს სამსახური გაუმართლებელ ეკონომიაზე ხდება ორიენტირებული. ამასთან მათთვის მიცემული შეკვეთების და დავალებების დაგვიანებით და უხარისხოდ შესრულებას იწყებს.

ამის მთავარი მიზეზი ის არის, რომ ფინანსური დირექტორები, ქვეცნობიერად თუ ძალიან გააზრებულად, მათ ძირითად მისიად ორგანიზაციაში ფინანსების რაციონალურ გამოყენებას მიიჩნევენ. შესაბამისად ისინი ყველა სამსახურს ამ რაკურსში იხილავენ და მოთხოვნებსაც ამის მიხედვით უყენებენ.

ის სამსახურები, რომლებიც მათთან არ შედიან უშუალო დაქვემდებარებაში, მათ პოზიციებს კურატორი დირექტორების მეშვეობით იცავენ, ხოლო სამსახურები, რომლებიც უშუალოდ ფინანსურ დირექტორს ექვემდებარებიან იძულებულები ხდებიან სწორედ ეკონომიაზე გახდნენ ორიენტირებული და არა საკუთარი მოვალეობების სწრაფად და მაღალი ხარისხით შესრულებაზე.

რა თქმა უნდა, გამონაკლისებიც არსებობს, როდესაც ფინანსურ დირექტორს ესმის მხარდაჭერის სამსახურის მნიშვნელობა და ამავე დროს თვითონ ამ სამსახურის უფროსიც ახერხებს, მასთან სწორად მუშაობისათვის საჭირო ენა გამონახოს. თუმცა ეს იმდენად იშვიათად ხდება, რომ უფრო უჩვეულ მდგომარეობად შეიძლება შევაფასოთ, ვიდრე ნორმალურად.