მენეჯმენტის ყურადღება ყველაზე ძვირადღირებული და მნიშვნელოვანი რესურსია ნებისმიერი ორიგანიზაციისთვის. რაზე ხარჯავს უმაღლესი მენეჯერი და მისი გუნდი დროს, რა საკითხებს იხილავენ რა საკითხებზე კამათობენ, რასთან დაკავშირებით ისმენენ ინფორმაციას და რა თემებზე იღებენ გადაწყვეტილებებს ყველაზე დიდ წილად განსაზღვრავს იმას, თუ რაზე იხარჯება ყველა დანარჩენი რესურსი ორგანიზაციაში ყოველდღიურ, რეალურ ცხოვრებაში.
სწორედ მენეჯმენტის ყურადღების განაწილებაზე ახდენს სტრუქტურა ყველაზე დიდ გავლენას. სწორედ სტრუქტურა განსაზღვრავს თუ ვინ შედის პირველ პირთან კაბინეტში და რამდენად ინტენსიურად აკეთებს ამას, რა საკითხები აწუხებს მათ და რა თემებთან დაკავშირებით არიან ინფორმირებული, რა საკითხებს წამოწევენ გენერალური მენეჯერის წინაშე და რამდენად მონდომებით გააკეთებენ ამას.
თუ ეს ადამიანები სწორი საკითხებით არიან დაინტერესებული და სწორ თემებზე ახარჯინებენ უმაღლეს მენეჯმენტს დროს, მაშინ ორგანიზაცია მიიწევს წინ, ხოლო თუ პრიორიტეტები სხვაა და პირველი პირი კი თავის გუნდთან ერთად სულ სხვა საკითხებზე მუშაობს, ეს ნიშნავს, რომ სწორედ ეს სხვა საკითხები იღებს ყველაზე მეტ რესურსს, ორგანიზაციის საქმიანობა კი აქედან გამომდინარე უკეთესი შედეგებისკენ ვერ მიდის.
Loading ...