ფილიალების ქსელის უფრო აქტურად დასატვირთად, საოპერაციო შემოსავლების გასაზრდელად, ლოიალური კლიენტების რაოდენობის ზრდისა და მათი ლოიალურობის ასამაღლებლად კარგი გზა შეიძლება აღმოჩნდეს კონკრეტული კლიენტების კონკრეტულ ფილიალებთან უფრო აქტიური დაკავშირების სტიმულირება. იდეა მარტივია. ბანკი მისცემს საშუალებას მის არსებულ ან პოტენციურ კლიენტებს, მათი საცხოვრებელი ადგილის ან სამსახურის, ან სხვა პრეფერენციების მიხედვით ამოირჩიოს მისთვის სასურველი ფილიალი და გაიაროს რეგისტრაცია. ამის შემდეგ ეცდება დაგეგმოს ღონისძიებები, რომელიც ამ კლიენტებს კარგ პირად ურთიერთობებს ჩამოუყალიბებს ფილიალის პერსონალთან, ასევე მისცემს სხვადასხვა სახის შეღავათებს და სარგებელს მათ ფილიალში მომსახურებისთვის. სავარაუდოა, რომ იგი შეძლებს უფრო მჭიდროდ დაუკავშიროს ესა თუ ის კლიენტი ამა თუ იმ კონკრეტულ ფილიალს და მათი აქტიურობაც დაასტიმულიროს.

შეღავათები კი ბევრნაირი შეიძლება იყოს:

ა) ოდნავ უკეთესი ფასები კონვერტაციებზე, საოპერაციო სერვისებზე;

ბ) სპეციალური საშვი;

გ) რამოდენიმე დღის დამატებით პატიება სესხის ვადაგადაცილებაზე;

დ) დაზიანებული კუპიურების უფასოდ გამოცვლა;

ე) საჭიროების შემთხვევაში სასურველ კუპიურებად ან ხურდებად დახურდავება;

ვ) უფრო სწრაფი მომსახურება სესხებზე;

ე) ნაღდი ფულის გამზადება სატელეფონო ზარის საფუძველზე;

ვ) ნაღდი ფულის ფუთით დატოვება, როგებში რომ არ მოუხდეს.

და მრავალი სხვა. თუმცა ყველაზე მნიშვნელოვანი კლიენტის კმაყოფილებისა და ფილიალთან კონტაქტისათვის მაინც პერსონალთან პირადი, არაფორმალური ურთიერთობები იქნება. ამიტომ განსაკუთრებული ყურადღება სწორედ ამ მიმართულებით ღონისძიებების დაგეგმვას და განხორციელებას უნდა დაეთმოს.

საქმე იმაშია, რომ მომხმარებელი მაინც ირჩევს მისთვის ხელსაყრელ ფილიალს და იქ უფრო აქტიურად დადის. თუ ბანკი გამოკვეთავს ამ კავშირს და კიდევ უფრო ინტენსიურს გახდის მომხმარებლის ურთიერთობას კონკრეტულ ფილიალთან, შესაბამისად კონკრეტულ ადამიანებთან ეს ბანკის მიმართ მათ ლოიალურობას მნიშვნელოვნად გაზრდის.

გაცილებით უფრო კარგად აღიქვამს ადამიანი ორგანიზაციას კონკრეტული ადამიანების საშუალებით, ვიდრე შენობების, ინვენტარის, ფერების ან ბრენდის სხვა მახასიათებლებით. ასეთ შემთხვევაში მისთვის მომსახურების ხარისხი ბავრად უფრო სხვა, უფრო ხელშესახები და ღირებული რამ ხდება და კმაყოფილებაც სწორედ ამ ადამიანებთან პირადი ურთიერთობის ხარისხზე გადის.