ბევრს ვსმჯელობთ იმის შესახებ თუ როგორ უნდა  გაზარდოს რკინიგზამ სამგზავრო გადაყვანების მიმართულება. ყველამ ვიცით რომ ეს მნიშვნელოვანია როგორც რკინიგზის ასევე საერთოდ ქვეყნისთვისაც. რამდენადაც ბერვს ვმსჯელობთ, ვფიქრობთ, ვსწავლობთ და ვაანალიზებ ამ ამოცანის გადასაწყვეტად ბევრი იდეაც იბადება. ზოგი ეფექტური, ზოგიც ნაკლებად.
გუშინ გაჩნდა ასეთი იდეა რომ რკინიგზამ სამგზავრო გადაყვანების მატარებელში ერთ-ერთი ვაგონი გამოყოს მსუბუქი ან ჯიპის ტიპის ავტომანქანების გადასატანად. ეს შესაძლოა ძალიან მიმზიდველი იყოს მომხმარებელთა გარკვეული კატეგორიისათვის და აი რატომ:

1. თბილისიდან ქუთაისში და განსაკუთრებით ბათუმში სადაც დამსვენებლები ჩადიან მომხმარებელთა ერთი კატეგორია მიდის საკუთარი ავტომობილით და არა მატარებლით მხოლოდ იმის გამო, რომ იქ ფეხით არ მოუწიოს აქეთ იქით სიარული. არადა გზა ძალიან დამღლელია განსაკუთრებით ზაფხულში და არავის არ ეხალისება ამხელა მანძილზე მანქანით სიარული;
2. რკინიგზით ავტომობილის გადაყვანა შესაძლოა დაჯდეს არც ისე ბევრი ვიდრე ბენზინის ხარჯი. მაგალითად ბათუმამდე დაახლოებით 350 კმ-ია. ჯიპის ტიპის ავტომობილს რომელიც საშუალო ხარისხის ბენზინს ასხამს ,შეიძლება დაუჯდეს დაახლოებით 50-60 ლარი საწვავის ხარჯი. ამ ფასში კი რკინიგზას შეუძლია შესთავაზოს როგორც მანქანის ისე 1 ან 2 ადამიანის გადაყვანაც; თანაც ეს ბაზრის ის სეგმენტია ვისაც შეუძლია დამატებით შეიძინოს სხვადასხვა მომსახურება ან პროდუქტები მატარებელში მგზავრობისას;
3. ამით არამარტო დამსვენებლები, არამედ საქმიანი მიზნით გადაადგილებულმა პირებმაც შეიძლება ისარგებლონ, რადგანაც ამით რეალურად რისკები მცირდება. ამხელა მანძილზე სიარული ხომ ავარიის, ავტომანქანის გაფუჭების რისკებთანაა დაკავშირებული, რომ არაფერი ვთქვათ დაღლილობაზე.

მოკლედ ვფიქრობთ რომ ეს ძალიან რენტაბელური მომსახურება შეიძლება იყოს და საკმაოდ ბევრიც მოიხმარს. თანაც არც ისე ძნელია ამის გაკეთება:

1. პირველ რიგში უნდა განისაზღვროს ის მარშრუტები სადაც დასვენებისა და საქმიანი მიზნით ბევრი ადამიანი შეიძლება ჩავიდეს. ეს მარტივად შეიძლება მომხმარებლების გამოკითხვითა და წარსული შესყიდვების ანალიზის საფუძველზე;
2. უნდა გამოიყოს სპეციალური ვაგონი რამოდენიმე მარშრუტზე და თავიდან საცდელად 3 მატარებელი შეიძლება რომ ავიღოთ, უნდა გაკეთდეს ავტომობილის მისასვლელი და ასასვლელი ამ ვაგონებში, ასევე უნდა მოხდეს ვაგონის შიგნით მოწყობა, სამაგრების გაკეთება და ა.შ.
3. უნდა განისაზღვროს გადატანის ფასი, შესაძლოა ეს იყოს ცალკე ღირებულებაც და შევიდეს რომელიმე პაკეტშიც. ფასში შესაძლოა შევიდეს ავტომობილის ერთჯერადი გადატანის დაზღვევაც; ამ მხრივ უნდა გაკეთდეს ფინანსური გაანგარიშება ამ მომსახურების ამოქმედებისათვის;
4. იმ მატარებლებში სადაც ასეთი ვაგონები გაკეთდება შესაძლოა რომ დაემატოს დამატებითი მომსახურებები და პროდუქტები, რომელიც ასეთმა სეგმენტმა უნდა შეიძინოს მგზავრობისას;
5. და ბოლოს ამ ყველაფრის კარგი პრომოცია უნდა გაკეთდეს, სადაც ხაზი გაესვას მანქანის გადატანის უპირატესობებს.

ეხლა ვფიქრობთ კარგი სეზონი მოდის რათა მოხდეს ამ მომსახურების გამოცდა. ზაფხულის შედეგები დაანახებდა მენეჯმენტს რამდენად დიდი მოთხოვნა ამ მომსახურებაზე.