მარტივი ჭეშმარიტება, მაგრამ ხშირად მაინც გვავიწყდება ხელმძღვანელებს – კლიენტების კმაყოფილება თანამშრომლების კმაყოფილების გარეშე ვერანაირად ვერ მიიღწევა. კლიენტების კმაყოფილების ფასი და მნიშვნელობა კი მეტნაკლებად ცხადია თითქმის ყველა კომპანიის ხელმძღვანელისთვის.

თანამშრომლები, რომ კმაყოფილები იყვნენ, ამისთვის მინიმუმ რამოდენიმე ძალიან მნიშვნელოვანი, მაგრამ ამავე დროს არც თუ ისე რთული საკითხია მოსაგვარებელი:

ა) თანამშრომლების კმაყოფილების დონის კონტროლი – წელიწადში ერთხელ მაინც მიზანშეწონილია გამოკითხვის ორგანიზება, რამდენად კმაყოფილები არიან თანამშრომლები, რა არ მოსწონთ და რის შეცვლას ისურვებდნენ. კვლევის შედეგების განხილვა უმაღლესი მენეჯმენტის მიერ და შესაბამისი ღონისძიებების დასახვა მდგომარეობის გასაუმჯობესებლად.

ბ) პერმანენტული უკუკავშირი – სასურველია თანამშრომლები წელიწადში ერთხელ მაინც იღებდნენ უკუკავშირს მენეჯმენტისგან. რა არ მოსწონთ მათ საქმიანობაში, როგორ აფასებს მენეჯმენტი მათ მუშაობას.

გ) მათი განსაკუთრებული მონდომების, ძალისხმევის და მიღწეული შედეგების დანახვა და დაფასება. თუნდაც უბრალო შექებით მაინც დაფიქსირება, რომ მათ მონდომებას ხედავენ და აფასებენ.