ერთ-ერთი ინდიკატორი იმისა, თუ რამდენად საჭირო კადრები მუშაობენ თქვენთან, რამდენად კმაყოფილები არიან ისინი საკუთარი სამსახურით და რამდენად ახერხებენ თქვენს ორგანიზაციაში ისინი საკუთარი უნარების და შესაძლებლობების რეალიზებას ისიც არის, თუ რამდენად უყვართ მათ თქვენთან ორშაბათი დღე (რა თქმა უნდა, თუ ორშაბათი თქვენს ორგანიზაციაში დასვენების დღე არ არის).

წელიწადში ერთხელ გამოკითხვის ორგანიზება თანამშრომლების კმაყოფილების შესახებ, უკმაყოფილების გამომწვევი მიზეზების სისტემატური ანალიზი და რეაგირების მოქმედებათა გეგმის დამუშავება და განხორციელება, ყოველწლიური პროცესი უნდა იყოს.

ყოველწლიურდ რაც უფრო მეტად შეძლებთ კმაყოფილების გაზრდას, მით უფრო დიდი იქნება იმის შანსი, რომ თქვენი კლიენტების კმაყოფილებაც გაიზრდება და თქვენი ორგანიზაციის მიერ შექმნილი სარგებელიც.

ასეთი გამოკითხვის ჩატარებისთვის ყველაზე კარგი დრო ზაფხულია. ასევე სასურველია ზაფხულში დაიგეგმოს რეაგირების ღონისძიებებიც. ასეთ შემთხვევაში ყველაზე მარტივი, ადვილი და სასწრაფო იდეები უკვე სექტემბრიდან დაიგეგმება, ყველაზე რთულებისა და კაპიტალტევადისთვის კი სათანადო წინაპირობები მომზადდება (ბიუჯეტის, დეტალური გეგმების დამუშავება, და ა.შ.) მომდევნო წელს განსახორციელებლად.

გამოკვლევის შედეგებზე დაყრდნობით სამოქმედო გეგმის დამუშავება სასურველია ამ მიზნით სპეციალურად შექმნილ სამუშაო ჯგუფში მოხდეს. იგი თავის შემოქმედებას უმაღლეს მენეჯმენტს წარუდგენს და ეცდება სათანადოდ დაუსაბუთოს დაგეგმილი თითოეული მოქმედების მნიშვნელობა.