როდესაც ხელმძღვანელი ამბობს, ძალიან დაკავებულია და დრო არ აქვს ამა თუ იმ რაღაცის გასაკეთებელად ეს მხოლოდ იმას ნიშნავს, რომ ეს საქმე მისთვის საკმარისად პრიორიტეტული არ არის. თუ გვინდა, მისი დრო მოვიპოვოთ, ამის მხოლოდ ერთი გზა არსებობს – დავუსაბუთოთ მას ამ საქმის გაკეთების მნიშვნელობა.

ამას წინათ გვქონდა შემთხვევა, ერთ-ერთი ორგანიზაციის პირველი პირი სტრატეგიის ფორმირების გასვლით ღონისძიებაზე არ მოვიდა. მიუხედავად იმისა, რომ დანარჩენი ტოპ – მენეჯერები, საშუალო რგოლის ყველა ხელმძღვანელი ესწრებოდა შეკრებას, ძალიან აქტიურ მონაწილეობასაც იღებდნენ, მიღებული გადაწყვეტილებებითაც კმაყოფილები დარჩნენ და გეგმის განხორციელების სურვილიც დიდი აქვთ, საბოლოო ჯამში ამ გეგმის უდიდესი ნაწილი მაინც ვერ განხორციელდება.

სამწუხაროა, რომ ვერც ჩვენ და ვერც მისმა კოლეგებმა ვერ მოვახერხეთ, ის ამ ღონისძიების მნიშვნელობაში დაგვერწმუნებინა და დავკარგეთ ამდენი დრო საქმეზე, რომელსაც, საბოლოოდ, თითქმის არანაირი მნიშვნელოვანი შედეგი არ მოჰყვება. სავარაუდოდ შერჩეული პროექტების და ღონისძიებების პასუხისმგებლებზე განაწილებას და განხორციელების ვადების განსაზღვრასაც კი ვეღარ მოახერხებენ სწორედ იმის გამო, რომ პირველ პირს არც ის გეგმა ესმის და ვერც მის მნიშვნელობას ხვდება.