გასვლითი ღონისძიებების ორგანიზება, როგორც ფორმალურის ისე არაფორმალურის, ძალიან ეხმარება გუნდის განმტკიცებას და ორგანიზაციაში არსებული ყველაზე რთული პრობლემების მოგვარებასაც კი.

ამას წინათ, ერთ-ერთი დიდი, სახელმწიფო ორგანიზაციის გასვლით ღონისძიებაში მომიწია მონაწილეობის მიღება. ფორმალური ღონისძიება იყო არაფორმალურ გარემოში. რამოდენიმე დეპარტამენტი ახალ შიდა დოკუმენტებს იხილავდა და ცდილობდნენ რთულ საკითხებზე შეთანხმებულიყვნენ.

როგორც აღმოჩნდა პირველი ღონისძიება იყო მსგავსი ტიპის, თავდაპირველი დაძაბულობის გადავლას თითქმის 3-4 საათი დასჭირდა. ბევრი იჩხუბეს – ბევრი იკამათეს. ზოგი კონსტრუქციულად, ზოგიც არც თუ ისე, მაგრამ საბოლოოდ იმით დაამთავრეს რომ ბევრად უკეთესად გაიცნეს ერთმანეთი, ბევრად უკეთ გაიგეს და გაიზიარეს ერთმანეთის პოზიციები და ვფიქრობ დამეგობრდნენ კიდეც, მათ შორის ადამიანები, რომლებიც იქამდე ერთმანეთს ან არ ან ძალიან ცუდად იცნობდნენ.

დარწმუნებული ვარ ამის შემდეგ ხშირად მოაწყობენ ასეთ ღონისძიებებს. გუნდსაც გააძლიერებენ, ბევრ შიდა პრობლემასაც ადვილად მოაგვარებენ და ძლიერ ორგანიზაციადაც საკმარისად სწრაფად ჩამოყალიბდებიან.

მართალია ამ კონკრეტულ საკითხს პირდაპირ არ უკავშირდება, მაგრამ მაინც,  იკითხეთ “სინერჯი ჯგუფის წიგნები” და წარმატების მიღწევა ბევრად ადვილი და სასიამოვნო პროცესი გახდება.