ჩვენი აზრით კარგი იქნება, თუ IT კომპანიები მოამზადებენ ელექტრონული გიდის მსგავს სპეციალურ პროგრამას ტურისტებისთვის, ჩაწერენ მას IPAQ-ებში და გააქირავებენ აეროპორტში. პროგრამაში დეტალებში უნდა იყოს მოცემული ტურისტებისთვის საჭირო ნებისმიერი ტიპის ინფორმაცია, მაგ.:
ქალაქის ქუჩები;
ისტორიული ძეგლები და მუზეუმები (სად მდებარეობს, რომელი საუკუნისაა, რითია განსაკუთრებული, რისი ნახვა შეიძლება შიგნით და ა.შ.);
თეატრები, კინოები და კლუბები;
სკვერები და პარკები;
სასტუმროები, რესტორნები და სწრაფი კვების ობიექტები;
ინგლისური ენის მცოდნე ტაქსისტების ტელეფონის ნომრები;
საინფორმაციო ბიუროს, სასწრაფოს, სახანძროს, პოლიციის ტელეფონის ნომრები და ა.შ.;
დღეს ესეთი ტიპის კომპლექსური გადაწყვეტილება ტურისტებისთვის არ აქვს არცერთ ქართულ IT კომპანიას. არადა ვფიქრობთ, ნებისმიერმა მათგანმა რომ დაწეროს მსგავსი პროგრამა მალევე ამოიღებს დანახარჯებს, როგორც პროგრამაზე, ასევე ტექნიკური საშუალებების (IPAQ-ების) შეძენაზე და საკმაოდ დიდ მოგებასაც მიიღებს.
პირობითად, IPAQ-ის გაქირავების ფასად რომ ავიღოთ დღეში 10 დოლარი, და დავუშვათ რომ ყოველდღიურად მას მოიხმარს 1000 ტურისტი, კომპანია წელიწადში მიიღებს 3 000 000 დოლარმდე შემოსავალს (ყოველწლიურად საქართველოში მარტო ტურისტული მიზნით, აქ არ შედიან საქმიანი ვიზიტით ჩამოსული ტურისტები, ჩამოდის დაახლოებით 200 000 ადამიანი).
არჩილი
on Aug 17th, 2009
@ 19:22:
ისე მსგავსი სოლუშენი არის ქართულ ბაზარზე. კომპანია ჯეოლენდს აქვს ძალიან დეტალური საქართველოს რუქა ზედ დატანილი ღირსშესანიშნაობებით.
თვითონ რუქას კი 1 კვირით ჩამოსული ტურისტი არა მგონია რომ იყიდდეს ძვირია ცოტა, მე მაგალითად ვერ ვიყიდე ჩემთვის. ხოდა რუქიანი მოწყობილობების გაქირავება , ზოგი ჯიპიესით (ძვირად გააქირავებს ამას) და ზოგი მხოლოდ რუქიანი (ამას იაფად) მე მგონი მართლა კარგი შემოსავლის წყარო იქნება. მეც კი დავიქირავებდი, არა თუ ტურისტი, ისეთი მოხერხებული რამეა