თუ ჯვარედინი გაყიდვების გააქტიურებაზე ფიქრობთ, ან თქვენს ორგანიზაციაში მისი ეფექტიანობა გაწუხებთ, გადაამოწმეთ რამდენად აქვს თქვენს  პერსონალს საჭირო ინფორმაცია, შესაბამისი აღჭურვილობა და სათანადო მოტივაცია გაყიდვების საწარმოებლად.

რთულია მოვთხოვოთ გაყიდვებში ჩართულ თანამშრომლებს პასუხი ჯვარედინი გაყიდვების მაჩვენებლებზე, თუ ამ სამიდან რომელიმე მაინც არასრულყოფილად გვაქვს წარმოდგენილი.

1. ინფორმირება – ყველაფერი ინფორმაციის გადაცემით იწყება, როგორც უშუალოდ კონკრეტული გასაყიდი პროდუქტისა და სერვისის, ისე მათი გაყიდვის მეთოდოლოგიის შესახებ. ტრენინგების ჩატარება და გაყიდვების მენეჯერების ქოუჩინგი ამის ერთ-ერთი კარგი საშუალებაა .

2. აღჭურვა – ინფორმაციასთან ერთად გაყიდვების საწარმოებლად ყველა ის საჭირო ატრიბუტი, მასალა, ტექნიკაა საჭირო, რასაც მეტნაკლები დატვირთვით პირდაპირ გაყიდვებშიც ვიყენებთ.

3. მოტივირება – თანამშრომლების მოტივირება – გაზარდონ კომპანიის გაყიდვები ჯვარედინი გაყიდვების შედეგად გაზრდილი მაჩვენებლებით – აქტუალური ამოცანაა იმისათვის, რომ გაყიდვების ეს გზა მათთვის  დამატებითი და ნაკლებად პრიორიტეტული დავალება არ გახდეს.

ჯვარედინი გაყიდვების შესახებ სტატიას უფრო დეტალურად მოგვიანებით, “სინერჯი ჯგუფის წიგნებში” შემოგთავაზებთ.