სამუშაო ადგილზე სწავლება, ხშირ შემთხვევაში, ძალიან სწრაფ და ეფექტურ შედეგებს იძლევა როგორც კონკრეტული კადრებისათვის, ისე მთლიანად ორგანიზაციისათვის.

თუ თანამშრომლებს გამოვკითხავთ, რომელი პოზიციის საქმის შესწავლა სურთ, ამ პოზიციებზე კი ვიპოვით კადრებს, რომლებიც დათანხმდებიან მათ კვირაში ერთხელ ან ორჯერ თითო საათი დაუთმონ და საკუთარი საქმე ასწავლონ, რა თქმა უნდა, დამატებითი ანაზღაურების სანაცვლოდ, ამ თანამშრომლებისთვისაც კარგ საქმეს გავაკეთებთ და მთლიანად ორგანიზაციისთვისაც.

1. ადამიანებს მიეცემათ საშუალება ნელ-ნელა მოემზადონ იმ პოზიციებზე გადასასვლელად, რომელზე მუშაობასაც მომავალში ისურვებდნენ;

2. ორგანიზაციას უფრო მეტი და უფრო კარგი შიდა რეზერვები ეყოლება მნიშვნელოვან პოზიციებზე;

3. ადამიანებს შორის პირადი ურთიერთობებიც ბევრად უფრო მჭიდრო და მეგობრული გახდება.

იკითხეთ “სინერჯი ჯგუფის წიგნები”, მათ შორის წიგნში “მენეჯერის ბრძოლა წარმატებისთვის” ბევრ საინტერესო იდეას ნახავთ თანამშრომლების სწავლებისა და მოტივირებისათვის.