რაც უფრო მნიშვნელოვანია პოზიცია, მით უმჯობესია მასზე პროფესიონალი გავაპიროვნოთ და მის საქმიანობაზე ქმედითი კონტროლი დავაწესოთ, ვიდრე ჩვენთვის თუნდაც ძალიან სანდო პიროვნებას ჩავაბაროთ ასეთი თანამდებობა.

ჯერ ერთი, იდეალური და სრულყოფილი ადამიანები არ არსებობენ და ყველას შეიძლება შეგვექმნას გარემობა, რომელიც ჩვენთვის ყველაზე მნიშვნელოვან ღირებულებებზეც კი უარის თქმას გვაიძულებს. ამიტომ, ალბათ, უმჯობესია ვენდობოდეთ სისტემას და არა ადამიანებს.

ამასთან, იმის ალბათობა, რომ სანდო პირთა საქმიანობაზე ქმედითი კონტროლის მექანიზმებს შევქმნით, ძალიან დაბალია და რაც უფრო სანდოა ადამიანი, მით უფრო ნაკლებად სავარაუდოა, რომ ჩვენ ამას რეალურად გავაკეთებთ.

სანდო ადამიანის გათავისუფლებაც არ იქნება ადვილი, თუ დავინახავთ, რომ ის საქმეს თავს ვერ ართმევს. სანდოები ხომ, როგორც წესი, ძალიან ახლობლები არიან.

მაშინ, როდესაც პროფესიონალიზმის, და არა სანდოობის ნიშნით დანიშნულთა მხრიდან არგამართლების ალბათობა ბევრად დაბალია და, სავარაუდოდ, თუ ამ ნიშნით გვყავს დანიშნული ადამიანი, მისი მოხსნაც ბევრად ადვილი იქნება, როცა დავინახავთ, რომ ვერ შეძლო მოვალეობისთვის თავის გართმევა.

იკითხეთ “სინერჯი ჯგუფის წიგნები”, მათ შორის “მენეჯერის ბრძოლა წარმატებისთვის”, რომელიც დაგეხმარებათ აღმოაჩინოთ ბევრი ახალი და საინტერესო ნიუანსი ორგანიზაციების მართვაში.