ტოპ-მენეჯმენტის გუნდის წევრების პროდუქტიულობა, მათი მონდომება, ერთმანეთთან კოორდინაცია და თანმიმდევრულობა მოქმედებებში, დანარჩენი თანამშრომლებისა და მთლიანად ორგანიზაციის პროდუქტიულობის მთავარი განმსაზღვრელი ფაქტორია.

თუ მმართველი გუნდის წევრებმა ზუსტად იციან კონკრეტულად რაზე არიან  პასუხისმგებლები თვითონ, კომპეტენციების სფეროებიც სწორად არის მათ შორის განაწილებული, მათი საქმიანობის შედეგები კი ადვილად იზომება და პერმანენტულად ფასდება, მაშინ ისინი მოტივირებულებიც არიან, ორგანიზებულებიც, ენერგიულებიც, მათდამი დაქვემდებარებულ სამსახურებსაც სწორ დავალებებს აძლევენ და ერთმანეთთანაც ბევრად ეფექტურად თანამშრომლობენ.

მაგრამ, თუ ტოპ მენეჯმენტის გუნდის წევრები თვითონ ვერ გარკვეულან თუ რა შედის კონკრეტულად მათი კომპეტენციის სფეროში, თვითონ არ აბარებენ არავის ანგარიშს თუ რას აკეთებენ და არ ფასდებიან შესრულებული სამუშაოს ხარისხის გამო, მაშინ მათი მოტივაციაც ბევრად ნაკლებია, მოქმედებებიც არაკოორდინირებული და არაორგანიზებული. სულ დაკავებულები კი არიან, არაფრისთვისაც არ სცალიათ, მაგრამ პროდუქტიულობით დიდად არ გამოირჩევიან და სხვების მოტივაციასა და შრომის ნაყოფიერებასაც მნიშვნელოვნად ამცირებენ.

სწორედ ამიტომ, თუ ორგანიზაციის და მისი თანამშრომლების პროდუქტიულობის გაზრდა გვინდა, იმაზე უნდა ვიზრუნოთ, რომ პირველ რიგში მმართველი გუნდის წევრებს ჰქონდეთ მკაფიოდ და სწორად განსაზღვრული, თუ რა არის კონკრეტულად მათი პასუხისმგებლობა და მათი საქმიანობის შეფასების სქემაც ცხადი უნდა იყოს.

იკითხეთ “სინერჯი ჯგუფის წიგნები”, მათ შორის “მენეჯერის ბრძოლა წარმატებისთვის” და “მართვის ახალი გეომეტრია”, რომელიც სულ მალე გამოვა და რომელიც დიდ ნაწილში სწორედ ორგანიზაციაში როლების სწორად განაწილების საკითხებს შეეხება.