უკუკავშირს რადიკალურად შეუძლია გაზარდოს თანამშრომლის მოტივაცია, მონდომება და პასუხისმგებლობის გრძნობა, თუ ის სწორი შინაარსით, სწორ ინფორმაციაზე დაყრდნობითა და სწორი ფორმით იქნება მიწოდებული.

ამისათვის მნიშვნელოვანია კარგი მომზადება უკუკავშირის მისაცემად, ის არ უნდა იყოს სპონტანური, კონკრეტული შემთხვევების შედეგად განპირობებული, რადგან იზრდება რისკი, რომ სუბიექტური და უსამართლო იქნება.

ღირებული უკუკავშირის მისაცემად საჭიროა:

1. იმ ინფორმაციის განსაზღვრა, რაც საჭიროა თანამშრომლის შესაფასებლად.
2. უწყვეტი არხების აწყობა, რითაც შესაძლებელი იქნება მუდმივად სწორი ინფორმაციის მიღება (ანგარიშგების ფორმები, უშუალო ხელმძღვანელები…).
3. დაგროვებული ინფორმაციის ანალიზი, მთავარი საკითხების გამოყოფა – როგორც დადებითის, ასევე უარყოფითის.
4. რეკომენდაციები  – რჩევები, რა შეიძლება გააკეთოს თანამშრომელმა შედეგების გაუმჯობესებისათვის.
5. უკუკავშირის მიცემა ისეთი ფორმით, რომ არ იგრძნოს თანამშრომელმა თავი შეურაცხყოფილად. აქცენტების გაკეთება ძირითადად საქმეზე და არა პიროვნულ თვისებებზე.
6. თანამშრომლის აზრის მოსმენა –  რას არ ეთანხმება და რატომ, რაიმე თუ სჭირდება საქმის უკეთ შესრულებისათვის.

და რაც მთავარია, ეს პროცესი უნდა იყოს უწყვეტი, ყველა თანამშრომელმა უნდა იცოდეს, როდის იღებს უკუკავშირს და რა პერიოდულობით.

იკითხეთ “სინერჯი ჯგუფის წიგნები”, ის დაგეხმარებათ გაზარდოთ თანამშრომლების პროდუქტიულობა და მოტივაცია. წარმატებებს გისურვებთ