ორგანიზაციული სტრუქტურის ცვლილებებისას შეიძლება გუნდს ახალი ფუნქციები დაეკისროს, ან სრულიად ახალი გუნდი ჩამოყალიბდეს სხვადასხვა პოზიციებისგან. მათ ისეთი საქმიანობა დაევალება, რაზეც მანამდე არ უმუშავიათ. იმის მაგივრად, რომ გუნდი შევატოვოთ გამოწვევას და ველოდოთ, როდის მოერგება ახალ ამოცანებს, უმჯობესი და გაცილებით ეფექტურია, მოვამზადოთ ის, რათა რაც შეიძლება მალე დაიწყოს გამართული ფუნქციონირება.

ამისათვის, უპირველეს ყოვლისა, მენეჯმენტმა უნდა დაიწყოს გუნდის საჭიროებების კვლევა – სად სჭირდებათ დახმარება, რის ნაკლებობას განიცდიან გუნდის წევრები შემდეგი ხუთი მიმართულებიდან:

1. ცოდნა – რა უნდა იცოდნენ და რა იციან საქმის კარგად შესასრულებლად.
2. ინფორმაცია – რა ინფორმაციას უნდა ფლობდნენ ორგანიზაციაზე, კლიენტებზე, პროდუქტებზე და სხვა საკითხებზე.
3. უნარები – რა უნარებია საჭირო დავალებების კარგად შესასრულებლად.
4. რესურსები – რა რესურსები არის საჭირო გუნდის გასავითარებლად.
5. მხარდაჭერა – რა სახის მხარდაჭერა ესაჭიროება გუნდს, რათა ეფექტურად იმოქმედოს.

ამ ყველაფრის გამოვლენის შემდეგ გაცილებით მარტივია, შეაფასო, სად სჭირდება გუნდს ყველაზე მეტი დახმარება, დაგეგმო ცვლილებები. ეს შეიძლება იყოს თრეინინგები, შიდა ინფორმაციის მიწოდება, ორგანიზაციული შეკრებები, კომპიუტერული, ინფორმაციული მხარდაჭერა თუ სხვა საჭირო რამ. ამას თავად გუნდის წევრები მარტივად განსაზღვრავენ. დაგეგმილის შესასრულებლად ასევე მნიშვნელოვანია, გუნდის წევრთაგან რომელიმეს დაევალოს აღსრულების მონიტორინგი და პერიოდული რაპორტინგი ცვლილებების დანერგვასთან დაკავშირებით.