თუ გაიცნობთ თქვენს კლიენტებს, გეცოდინებათ,რით განსხვავდებიან, რა მოსწონთ და რა არ მოსწონთ, გაიგებთ მათზე ბევრ მნიშვნელოვან დეტალს, თქვენი პროდუქტები და მომსახურებაც კლიენტზე გაცილებით მორგებული  იქნება და გაყიდვების არხებიც მეტად ეფექტური.

კლიენტებზე სხვადასხვა ინფორმაცია  არამხოლოდ პროდუქტების დახვეწაში დაგეხმარებათ, არამედ სწორი ლოიალობის პროგრამების, მათი კმაყოფილების გაზრდის იდეების მოფიქრებაში. თქვენ შეძლებთ, ყოველი გადაწყვეტილება კლიენტის მხრიდან აწონოთ, ასევე, უფრო მარტივად შეძლებთ, გაახაროთ, ასიამოვნოთ კლიენტი სხვადასხვა აქციებით, წახალისებებით.

არადა, ეს არცთუ ისე რთული ამოცანაა, ამისათვის მთავარია სამი რამ:

1. კლიენტებზე საჭირო ინფორმაციის  განსაზღვრა – რა ინფორმაცია გვჭირდება, რათა ვიცოდეთ, რა დაგვეხმარება უკეთესი გადაწყვეტილებების მიღებაში.
2. ამ ინფორმაციის მოპოვების არხების, გზების დამუშავება – საიდან ვიღებთ განსაზღვრულ მონაცემებს – უშუალოდ კლიენტისგან თუ დამატებითი არხებიდან.
3. შესაბამისი პირების მოტივაცია და ხელშეწყობა – მოიპოვონ ეს ინფორმაცია.

თუ რეალურ პასუხისმგებელ პირს განსაზღვრავთ ამ ამოცანებზე და შეუქმნით მოტივაციას, ძალიან მალე გექნებათ ღირებული ბაზა კლიენტებზე.

იკითხეთ “სინერჯი ჯგუფის წიგნები”, რომლებიც დაგეხმარებათ  კლიენტებთან ურთიერთობებში და სხვა მნიშვნელოვან საკითხებში წარმატების მიღწევაში.