ორგანიზაციაში ჭკვიანურად დანერგილი მუშაობის სტანდარტები,  ჯანსაღი წესები,მის თანამშრომლებს ხელს უწყობს უფრო თავისუფლად და კომფორტულად იგრძნონ თავი და თავიანთი საქმიანობა უფრო შედეგიანი გახადონ.

ორგანიზაციაში მუშაობის სტანდარტები თუ არ არსებობს, ან არსებობს მაგრამ მას არავინ იცავს, როდესაც საქმიანობის წესები/რეგულაციები ბუნდოვანია, ეს ძალაუნებურად ხელს უწყობს თანამშრომლების არაჯანსაღ თავისუფლებას ყოველდღიურ მოქმედებებში. შეიძლება გაგვიმართლოს და ცალკეული თანამშრომლების შემთხვევაში “ჩარჩოს” არარსებობამ საქმიანობის ხარისხი არ გაგვიფუჭოს, თუმცა ეს უფრო მათი პროფესიონალიზმის დამსახურება იქნება, ვიდრე ორგანიზაციაში არსებული უკიდეგანო თავისუფლება. უმეტეს შემთხვევაშიი ასეთი მოცემულობა ხარისხის შენარჩუნებას გაგვირთულებს და კომპეტენციების დაგროვებას არასისტემურს გახდის.

ჩარჩოების არსებობა და მათი დაცვის კონტროლი სულაც არ ნიშნავს იმას, რომ ამით თანამშრომლების შემოქმედობითობას ხელს შევუშლით და არაკომფორტულ გარემოში ვამყოფებთ. პირიქით, სწორმა რეგულაციებმა მათ უფრო მეტი შესაძლებლობა უნდა მისცეთ, თავიანთი უნარები და შესაძლებლობები უკეთ დაინახონ კონკრეტულ მოცემულობაში, შეინარჩუნონ სტანდარტი და ამ სტანდარტის ფარგლებში იმოქმედონ თავისუფლად.

იკითხეთ სინერჯი ჯგუფის წიგნაკები უკვე “საბა”-ზეც“. მალე აქაც უკვე სრული ასორტიმენტით ვიქნებით წარმოდგენილნი.