ამჟამად ბევრი უკმაყოფილოა კორპუსებში ლიფტებით მომსახურების გადახდის სქემებით – მეზობლებში ფიქსირებული თანხის აგროვებით,  ან ლიფტში დამონტაჯებულ აპარატში 5-10 თეთრიანების ჩაყრით. ამიტომ , ვფიქრობთ, კარგი იქნება, თუ  ლიფტების მომსახურე კომპანიები ზემოთ ხსენებულ აპარატებს კორპუსის მაცხოვრებლებს მართვაში გადასცემენ.
მოსახლეობას შეეძლება თვითონ გახსნას ყუთი, ლიფტების კომპანიას კი მომსახურებაში გარკვეული ფიქსირებული თანხა ყოველთვიურად გადაუხადოს. დარჩენილი თანხა კი შეეძლება გამოიყენოს სურვილისამებრ, მაგ., მოახმაროს სადარბაზოს შეკეთებას და ა.შ..

ასეთ შემთხვევაში მოსახლეობა უფრო მეტად გაუფრთხილდება აპარატებს, დიდი სიხარულით გახსნის ყუთს ყოველი თვის ბოლოს.კომპანია, რომელიც ამას განახორციელებს, ძალიან მოიგებს. გარდა იმისა, რომ ხალხი სწორედ მის მომსახურებას მიანიჭებს უპირატესობას, საგადასახადოსთანაც მოაგვარებს პრობლემას, რადგან ფიქსირებულად და გამჭვირვალედ მოხდება თანხის ანაზღაურება და შესაბამისად დაბეგვრაც გაადვილდება.