ხელმძღვანელს შეუძლია შეხვედრებზე დაასტიმულიროს ბევრი საინტერესო იდეის გენერირება,მიაღწიოს აქტიურ მსჯელობას, საკუთარი აზრის გამოხატვას და ამით მოახდინოს გადაწყვეტილებების ეფექტიანობის ამაღლება, ან პირიქით – დათრგუნოს სხვები, გაუქროს საერთოდ რაიმეს თქმის (და მითუმეტეს რაიმე ახლის ან განსხვავებულის გამოთქმის) სურვილი.

მაინც, რა როლი ენიჭება ხელმძღვანელს შეხვედრებზე? რას და როგორ უნდა აკეთებდეს, რომ წაიყვანოს ყველაზე აქტიური და ნაყოფიერი კომიტეტები და საბჭოები? საკუთარი გამოცდილებიდან გვინდა ერთი მარტივი გადაწყვეტილება შემოგთავაზოთ ამ საკითხთან დაკავშირებით:

პროდუქტიულია ის შეხვედრები, სადაც ხელმძღვანელი საკუთარ მოსაზრებას ბოლოს გამოთქვამს და მინიმალურ აქტივობას ავლენს. სამწუხაროდ, ხშირად პირველი, სწორედაც რომ უფროსი, იწყებს საკუთარი აზრის დაფიქსირებას, რომლის გავლენის ქვეშაც ავტომატურად ექცევიან სხვები. ზოგი ფიქრობს, რომ გადაწყვეტილება უკვე მიღებულია და აზრი არ აქვს რაიმეს თქმას, ზოგი ცდილობს ხელმძღვანელს ასიამოვნოს და იწონებს შემოთავაზებულ იდეას. საბოლოო ჯამში მარტივად მიიღება გადაწყვეტილება, რომელიც ხშირად შორს არის საუკეთესო გადაწყვეტილებისგან.

როცა ხელმძღვანელი ბოლოს საუბრობს, მანამდე კი სხვებს უსმენს, თანამშრომლები გაცილებით გაბედულები ხდებიან, უმეტესობა ცდილობს რამენაირად თავი გამოიჩინოს ასეთ შეხვედრაზე და თავისი მოსაზრება დააფიქსიროს, სხვას შეეკამათოს, ან დაეთანხმოს. ასე ხელმძღვანელებიც ბევრ საინტერესო მოსაზრებას ისმენენ და ახალი გადაწყვეტილებები იბადება.

ასეთ შემთხვევაში ხელმძღვანელს რეალური სურვილი უჩნდება მიიღოს კარგი ინსაითები, რჩევები, იდეები სხვა თანამშრომლებისაგან, არ ბლოკავს მათ მოსაზრებებს, აღიარებს მონდომებას და ირჩევს ობიექტურად საუკეთესო ალტერნატივას.

იკითხეთ სინერჯი ჯგუფის წიგნები და წიგნაკები, რომლებიც დაგეხმარებათ ბევრად ორგანიზებული და პროდუქტიული შეხვედრების ჩატარებაში.