რეაქტიულია სტრუქტურა, რომელსაც ხელმძღვანელი მართავს, პროაქტიული კი ისეთი სტრუქტურაა, რომელიც თვითონ მართავს ხელმძღვანელს.

რეაქტიული სტრუქტურები, ხელმძღვანელების ცვლილებასთან ერთად, თითქმის ავტომატურად იცვლებიან და ამის გარეშეც ხშირ-ხშირად განიცდიან ცვლილებებს. პროაქტიული სტრუქტურები კი მხოლოდ ორგანიზაციის დანიშნულების მნიშვნელოვანი ცვლილების შემთხვევაში იცვლიან სახეს.

რეაქტიულ სტრუქტურებში ადამიანები შემსრულებლები არიან, პროაქტიულ სტრუქტურებში პროცესების, იდეების, სიახლეების ინიციატორები, ინოვატორები და საკუთარი წინადადებების განმახორციელებლებიც.

რეაქტიულ სტრუქტურებში მენეჯმენტი იდეებს აგენერირებს, დავალებებს გასცემს და ძალისხმევას ხარჯავს იმაზე, რომ ქვეშევრდომებს ეს იდეები რამენაირად განახორციელებინოს. პროაქტიულ სტრუქტურებში ისინი თანამშრომლებს უსმენენ, მათგან წამოსულ იდეებს არჩევენ და საუკეთესოების განხორციელებისათვის საჭირო პირობებს ქმნიან.

რეაქტიული სტრუქტურები ადამიანებს ბევრად უფრო რეაქტიულს ხდის, ვიდრე ისინი სინამდვილეში არიან. ხოლო პროაქტიული კი პირიქით, მათ ენერგიულს, აქტიურს და მოტივირებულს ხდის, მონდომებულს, ბოლომდე დაიხარჯონ და ორგანიზაციასთან ერთად მათაც საუკეთესო შედეგებს მიაღწიონ.

იანვარი, 2013წ