ორგანიზაციის შედეგიანობასა და ეფექტიანობაზე ყველაზე დიდ გავლენას ორგანიზაციული სტრუქტურები ახდენს, ვინაიდან ის განსაზღვრავს ინდივიდუალებისა და ჯგუფების ეფექტიანობასაც. ამის შეფასება კი სამი კომპონენტითაა შესაძლებელი:

1. სტრატეგიული მიზნების მიღწევა – რამდენად ახერხებს ორგანიზაცია, მიაღწიოს დასახულ მიზნებს, რომელიც სტრატეგიის შედეგად ჩამოყალიბდა? რამდენად რეალობაში ტარდება სტრატეგია? თუ მუდმივად მიუღწეველი ხდება მიზნები, არ სრულდება სტრატეგია, მაშინ სტრუქტურაში პრობლემებია.

2. რესურსების ეფექტიანი გამოყენება – რამდენად ეფექტიანად იყენებს ორგანიზაცია არსებულ რესურსებს მიზნების მიღწევისათვის, და რამდენად ავითარებს და ქმნის ახალ რესურსებს? თუ რესურსები უაზროდ იფლანგება და იხარჯება შედეგების გარეშე, არ ხდება ახალი რესურსების განვითარება, სტრუქტურა ვერ ასრულებს სათანადოდ თავის დანიშნულებას.

3.  გარემოში ცვლილებებზე დროული, ადეკვატური რეაგირება – რამდენად კარგად იყენებს ორგანიზაცია ახალ შესაძლებლობებსა და გამოწვევებს? ან რამდენად სათანადოდ რეაგირებს წარმოქმნილ რისკებზე? თუ ბევრი შესაძლებლობა გამოყენებელია, თუ რისკები დიდ ზიანს აყენებს ორგანიზაციას, სტრუქტურა აუცილებლად საჭიროებს გადახედვას.