ხშირად შემთხვევაში ორგანიზაცია ორიენტირებულია, მეტი პროდუქტი მიყიდოს კლიენტს მიმდინარე პერიოდში. იგი არ ითვალისწინებს გრძელვადიან ეფექტებს, როდესაც მხოლოდ “გამყიდველის” პოზიციით, შესაძლოა, კლიენტის კმაყოფილება ვერ უზრუნველყოს – უფრო ძვირად ან უხარისხო პროდუქტი მიყიდოს, არასათანადო მომსახურება გაუწიოს და ა.შ..

სწორედ ამიტომ, ორგანიზაციაში აუცილებელია ისეთი რგოლების არსებობა, რომელთაც, თავიანთი ამოცანიდან გამომდინარე, აქვთ მოტივაცია, დაიცვან კლიენტების ინტერესები კომპანიის შიგნით, მოახდინონ რეაგირება, თუ არასათანადო მომსახურება ხორციელდება, ან ისეთ ქმედებას აქვს ადგილი, რაც მომხმარებლებს დააზარალებს.

მაგალითად, ზოგჯერ ეს შეიძლება იყოს ბრენდის განვითარებაზე, ან მაღალი ხარისხით მომსახურებაზე პასუხისმგებელი პირი, ან სულაც სხვა ვინმე. მთავარია ორგანიზაციამ იზრუნოს ისეთი პოზიციის არსებობაზე, რომლის ინტერესებშიც იქნება კლიენტების უფლებების დაცვა, მათი პრეტენზიების, შენიშვნების შესწავლა, ორგანიზაციის მიერ დარღვევების დაფიქსირება და მათზე რეაგირება. რაც მთავარია, ეს პიროვნება არ უნდა იყოს რიგითი თანამშრომელი, სასურველია იგი იყოს დირექტორატის წევრი და ჰქონდეს სათანადო ძალაუფლება საკუთარი ამოცანის გადასაჭრელად.