წლების განმავლობაში შექმნილი იდეალური სტრუქტურა ორგანიზაციის წარმატებასა და კონკურენტუნარიანობას რომ უზრუნველყოფს, როგორც ასეთი, არ არსებობს. თუმცა, არსებობს იდეალური სტრუქტურები, სხვა განმარტებითა და მნიშვნელობით:

იდეალურია სტრუქტურა, რომელიც თავის თავში მოიცავს მუდმივ განვითარებას და პროგრესს. იდეალურ სტრუქტურას შეუძლია უზრუნველყოს კომპეტენციების დაგროვება მნიშვნელოვან საკითხებში, ადაპტირება პრიორიტეტების ან გარემოს ცვლილების მიხედვით, მოქნილობა და არსებული რესურსებით საუკეთესო შედეგების მიღწევა. ასეთი სტრუქტურა ხელს უწყობს ინიციატივების ზრდას ქვემოდან, შესაძლებლობების გამოვლენას და რეალიზებას, მუდმივ დინამიკასა და სწრაფვას უკეთესი შედეგებისკენ, გაუმჯობესებისკენ.

ისიც უნდა აღვნიშნოთ, რომ ტრადიციული და გავრცელებული სტრუქტურები მოკლებულები არიან ამ უნარებს – ისინი დროთა განმავლობაში, ზრდის პარალელურად, სულ უფრო მოუქნელები ხდებიან, სულ უფრო რთულია ცვლილებების განხორციელება, ახალ გამოწვევებზე მორგება და დგება უფრო განსხვავებული, ინოვაციური  სტრუქტურების შემუშავების საჭიროება.